man argument with police: నన్నే ఆపుతారా.. బాంబ్ పెట్టి లేపేస్తా; పోలీసులపై తిరగబడ్డ వ్యక్తి, చివరికి షాకింగ్ ట్విస్టు – video of man argumenting with hyderabad cop goes viral, police reveals shocking twist


రోనా కట్టడి కోసం లాక్‌డౌన్ విధించి ప్రజలందరినీ ఇళ్లలో ఉండాల్సిందిగా హెచ్చరికలు జారీ చేయగా.. కొంత మంది పదే పదే రోడ్లపైకి వస్తున్నారు. ఇదేంటని ప్రశ్నించిన పోలీసులపై తిరగబడుతున్నారు. హైదరాబాద్‌లోని లంగర్‌హౌస్‌లో ఓ వాహనదారుడు తనను అడ్డగించిన పోలీసులపై తిరగబడటమే కాకుండా బూతు పురాణం అందుకున్నాడు. ఏం చేస్తారో చేయండి అంటూ పోలీసులకే సవాల్ విసిరాడు. పోలీసులు అతడిని అదుపులోకి తీసుకొని విచారించగా.. చివరికి షాకింగ్ విషయం తెలిసింది. ఆ వివరాలు..

లాక్‌డౌన్‌ విధుల్లో భాగంగా లంగర్ హౌస్ పరిధిలోని టిప్పు ఖాన్ బ్రిడ్జి వద్ద పోలీసులు వాహనాలను ఆపి తనిఖీలు చేస్తున్నారు. ఇంతలో ఓ వ్యక్తి హెల్మెట్, మాస్కు లాంటివి ఏమీ లేకుండా తన బైక్‌పై దర్జాగా అక్కడికి వచ్చాడు. అతణ్ని చూడగానే పోలీసులు అడ్డగించారు. ఆపకుండా వెళ్లే ప్రయత్నం చేయడంతో అడ్డగించి బైక్ తాళం లాగేసుకున్నారు. దీంతో అతడు బూతు పురాణం అందుకున్నాడు.

samayam telugu

‘నన్నే ఆపుతారా.. మీ అంతు చూస్తా’ అంటూ సదరు వ్యక్తి నానా రచ్చ చేశాడు. వాహనం పైనుంచి దిగనంటే దిగనని మొండికేశాడు. తీరా తాళం లాగేసుకోవడంతో ‘నక్రాల్ చేస్తుండ్రా..’ అంటూ పోలీసులపై తిరగబడ్డాడు. ‘ఎవడనుకున్నరు.. బాంబ్ పెట్టి లేపేస్తా, పోలీస్ స్టేషన్ మొత్తాన్ని లేపేస్తా.. నా తడాఖా ఏందో చూపించనా.. ఎస్పీని పిలుస్తవా, డీఎస్పీని పిలుస్తవా పిలువు.. నా బండి, నేను ఇన్నే ఉంటం.. వీడియో తీసుకోండి.. నా మాటలు కూడా తీసుకోండి.. లాక్‌డౌన్, లాక్‌డౌన్ అనుకుంట పబ్లిక్‌ను ఎన్ని రోజులు పరేషాన్ చేస్తరూ’ అంటూ పోలీసులనే ప్రశ్నించాడు ఆ వ్యక్తి.

రాయలేని భాషలో కొన్ని బూతులు తిడుతూ తన నోటికి పనిచెప్పాడు ఆ వ్యక్తి. పోలీస్ అధికారి కొడుకును అంటూ నానా హంగామా చేశాడు. మధ్యలో కొంత మంది వాహనదారులు వచ్చి నచ్చజెప్పడానికి ప్రయత్నించగా.. వారిపైనా తిరగబడ్డాడు. అతడి చేష్టలకు విసిగిపోయిన పోలీసులు అతణ్ని అదుపులోకి తీసుకున్నారు. అతడి గురించి ఆరా తీయగా.. రెండు నెలల కిందట ఎర్రగడ్డ మానసిక వైద్యశాల నుంచి డిశ్చార్జ్ అయినట్లు తెలిసింది. సంవత్సరం కిందట భార్య చనిపోవడంతో పిచ్చిగా ప్రవర్తిస్తున్నట్లు తేలింది. అతడికి మతిస్థిమితం సరిగా లేదని తెలియడంతో పోలీసులు మరోసారి షాక్ తిన్నారు.

అతడి పేరు లోకేశ్ అని.. చనిపోయిన భార్య గుర్తుకొచ్చి రెండు రోజులుగా పిచ్చిగా ప్రవర్తిస్తున్నాడని లంగర్‌హౌస్ పోలీసులు తెలిపారు. అతడిని కుటుంబ సభ్యులకు అప్పగించినట్లు వెల్లడించారు. సదరు వ్యక్తి పోలీసులపై తిరగబడిన వీడియో సోషల్ మీడియాలో చక్కర్లు కొడుతోంది.

Also Read:నిన్న ఇర్ఫాన్, నేడు రిషీ కపూర్.. షాకింగ్‌గా ఉంది: కేటీఆర్



Source link

Leave a Reply

Your email address will not be published. Required fields are marked *