man eating dog carcass: లాక్‌డౌన్ వేళ పట్టెడన్నం దొరక్క.. ఆకలికి తట్టుకోలేక కుక్క కళేబరం పీక్కుతిన్నాడు – shocking: video of starving man eating ‘dog’ carcass in rajasthan causes outrage


కరోనా వైరస్ కట్టడికి విధించిన లాక్‌డౌన్ వల్ల వలస కార్మికులు, పేదలు నానా ఇబ్బందులు ఎదుర్కొంటున్నారు. చేయడానికి పనిదొరక్క.. తినడానికి తిండిలేక పట్టెడన్నం కోసం అలమటిస్తున్నారు. పొట్టచేతబట్టుకుని పరాయి రాష్ట్రానికి వెళ్లిన వలసజీవులను లాక్‌డౌన్ కోలుకోలేని దెబ్బతీసింది. మూలుగుతున్న నక్కపై తాటిపండు పడ్డట్టు.. అసలే అంతంత మాత్రంగా ఉన్న ఉపాధి, కరోనా మహమ్మారి కారణంగా కరవయ్యింది. కొద్దిరోజుల కిందట బీహార్‌‌లో కనీసం ఒక్క ముద్ద దొరక్క ఆక‌లికి త‌ట్టుకోలేని చిన్నారులు క‌ప్ప‌ల‌ను తిన్న హృదయవిదారక ఘటన అందరినీ కంటతడి పెట్టించింది.

తాజాగా, కన్నీళ్లు తెప్పించే ఆలాంటి దృశ్యం రాజస్థాన్‌లో చోటుచేసుకుంది. ఆకలికి తట్టుకోలేక ఓ వ్యక్తి మృతి చెందిన కుక్క కళేబరాన్ని తినడం పలువుర్ని కంటతడి పెట్టిస్తోంది. రాజస్థాన్‌లోని జైపూర్ జిల్లా షాపురా వద్ద ఢిల్లీ – జైపూర్ జాతీయ రహదారిపై ఆకలికి తట్టుకోలేని ఓ వ్యక్తి ప్రమాదంలో చనిపోయిన కుక్క మృతదేహాం తింటున్న ఘటనను ప్రద్యుమ్న సింగ్ నరూకా అనే వ్యక్తి వీడియో తీసి యూట్యూబ్‌లో పెట్టాడు. ప్రస్తుతం ఇది సోషల్ మీడియాలో వైరల్ అవుతోంది.

సదరు బాధితుడు కుక్క కళేబరం తింటున్న సమయంలో అటుగా వచ్చిన ప్రద్యుమ్న ఈ సన్నివేశాన్ని చూసి ఆశ్చర్యపోయాడు. కళేబరాన్ని ఎందుకు తింటున్నావని బాధితుణ్ని ప్రశ్నించగా ఆకలి తట్టుకోలేక తింటున్నట్లు చెప్పాడు. దీంతో తన వద్ద ఉన్న ఆహారం ప్యాకెట్‌ను ఇచ్చి, కళేబరాన్ని తినకూడదని వారించాడు.

దీనిని వీడియో తీసి తన ఫేస్‌బుక్ పేజ్‌లో షేర్ చేసిన నరూకా.. ఓ వలస కార్మికుడు ఆకలి చనిపోయిన కుక్కను తినడానికి ప్రేరేపించిందని, ఇది మానవత్వానికే సిగ్గుచేటు.. దారుణమైన విషయం ఏమిటంటే, దారిలో అటుగా వెళ్తున్నవారు ఎవరూ వాహనాన్ని ఆపి, అతనికి సహాయం చేయడానికి ప్రయత్నించలేదు… తాను ఆహారం అందజేసి, తాగడానికి నీరు ఇచ్చాను’ అని ఆవేదన వ్యక్తం చేశాడు. ఆకలితో అలమటిస్తున్నవారిని దయచేసిన ఆదుకోండి అని ఆయన విజ్ఞ‌ప్తి చేశాడు.

ఈ ఘటన మే 18 మధ్యాహ్నం చోటుచేసుకుందని తెలిపాడు. ఈ వీడియో వైరల్ కావడంతో పోలీసులు గురువారం తనను సంప్రదించి, అతడి గురించి ఆరాతీశారని ఓ పత్రికతో అన్నారు. ఈ హృదయవిదారక వీడియో సోషల్ మీడియాలో వైరల్ అవుతుండగా.. దీనిని షేర్ చేసిన కొందరు మీడియా, ప్రభుత్వ అధికారులకు ట్యాగ్ చేస్తున్నారు. దీనిపై కర్ణాటక కాంగ్రెస్ సోషల్ మీడియా విభాగానికి చెందిన లావణ్య బళ్లా ట్విట్టర్‌లో షేర్ చేశారు.

ప్రధాని మోదీని టార్గెట్ చేస్తూ.. ‘ఈ ఘటన హృదయ విదారకానికి మించింది. చనిపోయిన కుక్క కళేబరాన్ని తింటున్నాడు.. ఎవ్వరూ దీనికి అర్హులు కాదు.. ప్రధాని మోదీ పేదలకు కలిగించిన ఈ నొప్పి, అవమానాలను భారతదేశం ఎప్పటికీ మరచిపోదు.. ఇది దేశానికి సిగ్గుచేటు’ అని మండిపడ్డారు.



Source link

Leave a Reply

Your email address will not be published. Required fields are marked *