mancherial swimming tragedy: కొడుకు మరణాన్ని తట్టుకోలేక ఆగిన తల్లి గుండె.. మంచిర్యాల ఈత ఘటనలో మరో విషాదం – mancherial swimming tragedy: shocked by sudden death of son, woman dies


కొడుకు ఆకస్మిక మరణాన్ని తట్టుకోలేక ఓ తల్లి గుండె ఆగిపోయిన విషాద ఘటన మంచిర్యాల జిల్లా కన్నేపల్లి మండలంలోని మాడవెల్లి గ్రామంలో శనివారం రాత్రి చోటు చేసుకుంది. వివరాల్లోకి వెళ్తే.. రాదండి సత్యనారాయణ, రాజేశ్వరి దంపతులకు ఇద్దరు పిల్లలు. కొద్దిపాటి భూమిలో వ్యవసాయం చేసుకుంటూ వీరు జీవనం సాగిస్తున్నారు. చదువు మానేసిన సంపత్ తండ్రికి అన్ని విధాలుగా చేదోడు వాదోడుగా ఉంటున్నాడు. సంపత్‌తోపాటు వేసవి సెలవుల్లో అమ్మమ్మ వాళ్లింటికి వచ్చిన కుంచె రాంచరణ్.. మరో ముగ్గురు పిల్లలు కలిసి గ్రామ సమీపంలోని వాగులో ఈతకు వెళ్లారు.

కానీ ప్రమాదవశాత్తూ నీట మునగడంతో సంపత్, రాంచరణ్ ప్రాణాలు కోల్పోయారు. తన కుమారుడు ఈతకెళ్లి చనిపోయాడనే వార్త తెలియగానే సంపత్ తల్లి రాజేశ్వరి (35) కుప్పకూలింది. శనివారం మధ్యాహ్నం నుంచి ఏమీ తినకుండా, కనీసం మంచినీళ్లయినా తాగకుండా రోదిస్తూ ఉండిపోయింది. తన బిడ్డ అకస్మాత్తుగా చనిపోవడాన్ని ఆ తల్లి తట్టుకోలేక పోయింది. స్పృహ కోల్పోయి అపసార్మక స్థితిలోకి వెళ్లిపోయింది. రాత్రి 11.30 గంటల సమయంలో బెల్లంపల్లి హాస్పిటల్‌కు తీసుకెళ్తుండగా.. గుండెపోటుతో చనిపోయింది.

12 గంటల వ్యవధిలోనే తన కొడుకు, భార్యను పోగొట్టుకోవడంతో సత్యనారాయణ, ఆయన పదేళ్ల కూతురు షాక్‌లోకి వెళ్లారు. కొడుకు మరణాన్ని తట్టుకోలేక తల్లి కూడా చనిపోవడంతో ఆ గ్రామంలో విషాద ఛాయలు అలుముకున్నాయి. వీరి మృతదేహాలకు ఆదివారం సాయంత్రం అంత్యక్రియలు నిర్వహించనున్నారు.

Read Also: ఈతకు వెళ్లి నీట మునిగి ఇద్దరు బాలుర మృతి.. మంచిర్యాలలో విషాదం



Source link

Leave a Reply

Your email address will not be published. Required fields are marked *