Mandeep Singh: నాన్న ఎప్పుడూ ఆ మాట చెబుతుండేవారు.. మన్‌దీప్ సింగ్ భావోద్వేగం – ipl 2020, kkr vs kxip: mandeep singh recalls late father words after match-winning innings


షార్జా: కోల్‌కతా నైట్ రైడర్స్‌తో జరిగిన మ్యాచ్‌లో కింగ్స్ ఎలెవన్ పంజాబ్ 8 వికెట్ల తేడాతో గెలుపొందిన సంగతి తెలిసిందే. ముందుగా బ్యాటింగ్ చేసిన పంజాబ్.. 9 వికెట్ల నష్టానికి 149 రన్స్ చేయగా.. మన్‌దీప్ సింగ్ (56 బంతుల్లో 66 నాటౌట్), క్రిస్ గేల్ (29 బంతుల్లో 51) రాణించడంతో పంజాబ్ సునాయాసంగా విజయం సాధించింది. ఈ విజయంతో పంజాబ్ పాయింట్ల పట్టికలో నాలుగో స్థానానికి చేరుకుంది.

గత శుక్రవారం రాత్రి తండ్రిని కోల్పోయిన మన్‌దీప్ సింగ్.. ఈ మ్యాచ్‌లో హాఫ్ సెంచరీ బాది నాన్నకు అంకితమిచ్చాడు. తండ్రిని కడసారి చూసేందుకు సైతం రాకుండా ఐపీఎల్ ఆడుతున్న మన్‌దీప్.. కోల్‌కతాపై విజయం తర్వాత మాట్లాడుతూ.. తన తండ్రిని గుర్తు చేసుకొని భావోద్వేగానికి లోనయ్యాడు.

‘ప్రతి మ్యాచ్‌లోనూ నాటౌట్‌గా నిలవాలని నాన్న ఎప్పుడూ చెబుతుండేవాడు. ఈ మ్యాచ్‌లో చివరి వరకూ క్రీజ్‌లో ఉన్నాను. కాబట్టి ఇదెంతో ప్రత్యేకం. నువ్వెప్పుడైనా 100 లేదా 200 కొడితే… నాటౌట్‌గా ఉండాలని నాన్న చెబుతుండేవారు’ అని మన్‌‌దీప్ గుర్తు చేసుకున్నాడు.

‘మ్యాచ్‌కు ముందు రాహుల్‌తో మాట్లాడానను. గత మ్యాచ్‌లో వేగంగా పరుగులు చేయడానికి ప్రయత్నించాను. నాకు అలాగే సౌకర్యంగా ఉంటుంది. నా సహజమైన ఆట ఆడితే.. నేను మ్యాచ్ గెలుస్తాననే నమ్మకం నాకుంది. రాహుల్ కూడా నాకు మద్దతుగా నిలిచాడు. మ్యాచ్ గెలవడం సంతోషంగా ఉంది. బ్యాటింగ్ చేస్తూ ఉండూ.. చివరి దాకా క్రీజ్‌లో ఉండమని గేల్‌ నాతో చెప్పాడు. గేల్ అద్భుతంగా ఆడుతున్నాడు, అతడు ఎప్పటికీ రిటైర్ అవొద్దు’ అని మన్‌దీప్ వ్యాఖ్యానించాడు.

మన్‌దీప్ హాఫ్ సెంచరీ చేసిన తర్వాత.. స్ట్రాటజిక్ టైమ్ ఔట్ సమయంలో మైదానంలోకి వెళ్లిన రాహుల్, కోచ్ కుంబ్లే అతణ్ని హత్తుకొని అభినందించారు. మ్యాచ్ అనంతరం పంజాబ్ ఆటగాళ్లు మన్‌దీప్‌ను హత్తుకొని ప్రశంసించారు.



Source link

Leave a Reply

Your email address will not be published. Required fields are marked *