mankind Pharma : కరోనా కోసం ముందుకొచ్చిన ఫార్మా కంపెనీ… రూ.51కోట్ల విరాళం – mankind pharma pledge to contribute rs 51 crore for covid-19 relief fund


ప్రస్తుతం భారత్‌లో కరోనా మహమ్మారి వేగంగా విస్తరిస్తోంది. ఈ క్రమంలో కరోనాపై పోరుకు ఆర్థిక సాయం కావాలని దేశ ప్రధాని పిలుపు నిచ్చారు. దీంతో కేంద్ర రాష్ట్ర ప్రభుత్వాలకు సినీ, రాజకీయ ప్రముఖులు, ఆటగాళ్లు భారీ ఎత్తున విరాళాలు అందిస్తున్నారు. ఇటు వ్యాపార సంస్థలు కూడా తమ వంతు సాయం చేస్తున్నాయి. ఈ నేపథ్యంలో కరోనాపై పోరుకు రూ. 51కోట్లు విరాళం అందజేస్తున్నట్లు మ్యాన్‌కైండ్ ఫార్మా సంస్థ ప్రకటించింది. ఈ సొమ్మును ఆయా రాష్ట్రాల్లోని సీఎం సహాయనిధికి అందజేస్తున్నట్లు వెల్లడించింది. దీనిలో రూ.3కోట్లు తెలంగాణ ప్రభుత్వానికి, రూ. కోటి ఆంధ్రప్రదేశ్ ప్రభుత్వానికి కేటాయించినట్లు సమాచారం.


అంతేగాక కరోనా తీవ్రత ఎక్కువగా ఉన్న రాష్ట్రాలకు వెంటిలేటర్లు, వ్యక్తిగత భద్రతకు అవసరమైన ఉత్పత్తులను సరఫరా చేస్తామని, దీనికోసం ఆయా రాష్ట్ర ప్రభుత్వాలతో కలిసి పనిచేస్తామని మ్యాన్‌కైండ్ ఫార్మా సంస్థ చైర్మన్ ఆర్‌సీ జునేజా తెలిపారు. మ్యాన్ కైండ్ ఫార్మా కంపెనీ పలు రాష్ట్రాల్లో చురుకుగా తన వ్యాపారం కొనసాగిస్తోంది. ఏపీ, తెలంగాణ, కేరళ, మహారాష్ట్ర, యూపీ, ఉత్తరఖండ్, బీహార్, తమిళనాడు, కర్ణాటక, ఢిల్లీ, హర్యాన, హిమాచల్ ప్రదేశ్, మధ్యప్రదేశ్, రాజస్థాన్, గుజరాత్, పంజాబ్, పశ్చి బెంగాల్, జమ్ముకాశ్మీర్, ఒడిశాలో ఫార్మా కంపెనీ పనిచేస్తుంది.

ఈ కష్టాల్లో ప్రజా సంక్షేమం ఫార్మా కృషి చేస్తుందని తెలిపింది. జాన్స్ హాప్కిన్స్ విశ్వవిద్యాలయం, సెంటర్ ఫర్ డిసీజ్ డైనమిక్స్, ఎకనామిక్స్ అండ్ పాలసీ మరియు ప్రిన్స్టన్ విశ్వవిద్యాలయం యొక్క అంచనాల ప్రకారం; జూలై 2020 నాటికి భారతదేశంలో వెంటిలేటర్ల డిమాండ్ 1 మిలియన్లకు పెరుగుతుంది. అయితే లభ్యత మాత్రం 30,000 నుంచి 50,000 వరకు మాత్రమే ఉంటుంది. దీంతో ప్రముఖ ఔషధ సంస్థ అయిన మ్యాన్‌కైండ్ ఫార్మా, కరోనా రోగులకు చికిత్స చేస్తున్న ప్రభుత్వ ఆసుపత్రులకు వెంటిలేటర్లు, వ్యక్తిగత రక్షణ పరికరాలు (పిపిఇ) మరియు మందులను విరాళంగా ఇవ్వడానికి ముందుకు వచ్చింది.

భారతదేశం ప్రస్తుతం అత్యంత సవాళ్లను ఎదుర్కొంటున్న కాలమన్నారు … మ్యాన్‌కైండ్ ఫార్మా ఛైర్మన్ మిస్టర్ ఆర్. సి జునేజా. కరోనాపై మన పోరాటాన్ని మనమంతా బాధ్యతగా పంచుకోవాలన్నారు. దేశంలోని తమది ప్రముఖ ఫార్మా కంపెనీ అయినందున తామిచ్చే విరాళాన్ని కరోనా బాధితులకు, వారికి చికిత్స అందిస్తున్న వైద్య సిబ్బందికి, వెంటిలేటర్లను, రక్షణ పరికరాలను అందించడానికి ఈ మొత్తాన్ని వినియోగించాలని కోరుకుంటున్నామన్నారు. ఓ బాధ్యాతయుతైమన ఫార్మా కంపెనీగా దేశంలో రోగులకు మరింత సమర్థవంతగా చికిత్స అందించే విధంగా ఆస్పత్రులను అభివృద్ధి చేస్తామన్నారు.





Source link

Leave a Reply

Your email address will not be published. Required fields are marked *