Manoj Tiwary: నీకెంత ధైర్యం..? నెటిజన్‌పై మండిపడిన భారత క్రికెటర్ భార్య – indian batsman manoj tiwary’s wife susmita lashes out at batsman’s critics on instagram


భారత వెటరన్ క్రికెటర్ మనోజ్ తివారి అరంగేట్రంలోనే తన నిలకడతో అందర్నీ ఆకట్టుకున్నాడు. 2008లో అంతర్జాతీయ క్రికెట్‌లోకి ఎంట్రీ ఇచ్చిన మనోజ్ తివారి.. టీమిండియా తరఫున 12 వన్డేలు, 3 టీ20 మ్యాచ్‌లు ఆడాడు. కానీ.. కొన్ని నెలల వ్యవధిలోనే ఫామ్ కోల్పోయిన ఈ మిడిలార్డర్ బ్యాట్స్‌మెన్.. 2015లో ఆఖరిగా భారత్ తరఫున జింబాబ్వేపై మ్యాచ్ ఆడాడు. కానీ.. ఐపీఎల్‌లో మాత్రం 2018 వరకూ మనోజ్ తివారి మ్యాచ్‌లు ఆడాడు. అయితే.. 2019 సీజన్‌కి ముందు తివారిని వేలంలోకి కింగ్స్ ఎలెవన్ పంజాబ్ ఫ్రాంఛైజీ వదులుకోగా.. గత ఏడాది ఏ ఫ్రాంఛైజీ అతడ్ని కొనుగోలు చేయలేదు.

టీమిండియాకి ఆడిన 11 మంది ప్లాప్ క్రికెటర్స్‌ అంటూ.. ఒక జట్టుని ఓ నెటిజన్ ఇటీవల ప్రకటించాడు. అందులో మనోజ్ తివారి పేరు కూడా ఉండటంతో.. అతని భార్య సుష్మిత సదరు నెటిజన్‌పై తీవ్ర స్థాయిలో విరుచుకుపడింది. ‘‘నా భర్తని ఆ జాబితాలో చేర్చడానికి నీకెంత ధైర్యం..? నువ్వు ఫస్ట్ అతని గణాంకాల్ని పరిశీలించు. అంతేతప్ప ఇతరులపై ఇలా బరద చల్లొద్దు’’ అని సుష్మిత చురకలేసింది.

వాస్తవానికి గత కొంతకాలంగా ఐపీఎల్‌లో మనోజ్ తివారి నిరాశపరిచినా.. దేశవాళీ క్రికెట్‌లో మాత్రం పరుగుల వరద పారిస్తున్నాడు. ఇటీవల జరిగిన రంజీ ట్రోఫీ‌లో 11 మ్యాచ్‌లాడిన మనోజ్ తివారి ఏకంగా 707 పరుగులు చేసి.. ఒంటిచేత్తో బెంగాల్ టీమ్‌ని ఫైనల్‌కి చేర్చాడు.



Source link

Leave a Reply

Your email address will not be published. Required fields are marked *