maoists in telangana: మా‌వోల‌కు రూ.1.2 కోట్ల డ‌బ్బు.. తెలంగాణ కాంట్రాక్టర్లు అరెస్ట్ – police arrests 2 telangana contractors to provide money to maoists


మావోయిస్టుల‌కు పెద్ద ఎత్తున డ‌బ్బు సమకూర్చుతున్నారన్న ఆరోపణలపై తెలంగాణకు చెందిన ఇద్దరు కాంట్రాక్టర్లు అరెస్టయ్యారు. తెలంగాణ-మ‌హారాష్ట్ర రాష్ట్రాల స‌రిహ‌ద్దులో వీరిని అరెస్టు చేసినట్లుగా తెలుస్తోంది. పోలీసులు వెల్లడించిన వివరాల ప్రకారం.. మ‌హారాష్ట్రలోని గ‌డ్చిరోలి అట‌వీ ప్రాంతంలో ఉంటోన్న మావోలకు ఇద్దరు కాంట్రాక్టర్లు భారీగా డబ్బు అందించేందుకు రాత్రి వేళ కారులో వెళ్లారు. అయితే, తెలంగాణ నుంచి మ‌హారాష్ట్రలోకి ప్రవేశించి కొంత దూరం ప్రయాణించేసరికి ఆ రాష్ట్ర పోలీసులు తనిఖీలు చేపట్టారు.

ఈ క్రమంలో వారి వద్ద భారీగా రూ.1.2 కోట్ల న‌గ‌దును గుర్తించారు. ఆ నగదు మొత్తాన్ని స్వాధీనం చేసుకున్నారు. అలాగే ఆ ఇద్దరు కాంట్రాక్టర్ల నుంచి ఒక మహీంద్రా స్కార్పియో వాహనం, రెండు సెల్ ఫోన్లను కూడా మహారాష్ట్ర పోలీసులు సీజ్ చేశారు. సొమ్ము తీసుకెళ్తున్న ఇద్దరు తెలంగాణ కాంట్రాక్టర్లను కూడా అరెస్టు చేసిన‌ట్లుగా పోలీసులు తెలిపారు. తాము ఆ కాంట్రాక్టర్లను అడ్డుకోకపోయి ఉంటే, కాసేపటికే భారీ సొమ్ము మావోయిస్టుల చేతిలోకి వెళ్లిపోయి ఉండేదని చెప్పారు. ఈ ఘ‌ట‌న‌పై ద‌ర్యాప్తు చేస్తున్నామ‌ని పోలీసులు తెలిపారు. ఆ సొమ్మును ఏ లక్ష్యంతో వారు తరలిస్తున్నారనే కోణంలో పోలీసులు దర్యాప్తు చేస్తున్నారు. మావోల నుంచి బెదింపు కాల్స్ వచ్చినందునే ఈ కాంట్రాక్టర్లు డబ్బు సమకూర్చేందుకు వెళ్తున్నట్లుగా పోలీసులు ప్రాథమిక అంచనాకు వచ్చారు.



Source link

Leave a Reply

Your email address will not be published. Required fields are marked *