maruti suzuki emi schemes: అదిరిపోయే ఆఫర్.. లోన్ తీసుకుంటే రూ.లక్షకు రూ.899 ఈఎంఐ.. వారికి మాత్రమే! – maruti suzuki india partners with icici bank to offer customers specially curated, flexible emi financing schemes


ప్రధానాంశాలు:

  • ఐసీఐసీఐ బ్యాంక్‌తో మారుతీ సుజుకీ భాగస్వామ్యం
  • కస్టమర్లకు ఆకర్షణీయ ఫైనాన్స్ స్కీమ్స్
  • సులభంగానే కారు కొనుగోలు చేయొచ్చు

దేశీ దిగ్గజ వాహన తయారీ కంపెనీ మారుతీ సుజుకీ ఇండియా.. ప్రైవేట్ రంగానికి చెందిన ప్రముఖ బ్యాంక్ ఐసీఐసీఐ బ్యాంక్‌తో జతకట్టింది. దీంతో కస్టమర్లకు ప్రయోజనం కలుగనుంది. మారుతీ సుజుకీ తన కస్టమర్లకు కస్టమైజ్డ్ ఆటో రిటైల్ ఫైనాన్సింగ్ సర్వీసులు అందించాలనే లక్ష్యంతో ఐసీఐసీఐ బ్యాంక్‌తో భాగస్వామ్యం కుదుర్చుకుంది.

మారుతీ సుజుకీతో భాగస్వామ్యం వల్ల ఐసీఐసీఐ బ్యాంక్ కస్టమర్లకు వివిధ రకాల ఫైనాన్స్ స్కీమ్స్ అందిస్తోంది. ప్రస్తుత ఆర్థిక ఇబ్బందులు ఎదుర్కొనేలా ఈ ఫైనాన్స్ స్కీమ్స్ ఉన్నాయి. కొత్తగా కారు కొనుగోలు చేయాలని భావించే వారు సులభంగానే రుణం పొందొచ్చు. అంతేకాకుండా ఈఎంఐ ఆప్షన్లు కూడా ఆకర్షణీయంగా ఉన్నాయి. ఐసీఐసీఐ బ్యాంక్ కస్టమర్లకు ప్రధానంగా 3 ఫైనాన్స్ స్కీమ్స్ అందిస్తోంది.

Also Read:ఈ బ్యాంక్ కస్టమర్లకు గుడ్ న్యూస్.. క్రెడిట్ కార్డు బిల్లు కట్టక్కర్లేదు!

ఫ్లెక్సీ ఈఎంఐ స్కీమ్ ద్వారా కారు కొనుగోలు దారులు తొలిగా తక్కువ ఈఎంఐ చెల్లించొచ్చు. కోవిడ్ 19 వల్ల నెలకొన్న ఆర్థిక ఇబ్బందుల నేపథ్యంలో ఈ స్కీమ్ ఆకర్షణీయంగా కనిపిస్తోంది. రూ.లక్ష రుణంపై ఈఎఐం రూ.899 నుంచి ప్రారంభమౌతోంది. తొలి మూడు నెలలకు ఇది వర్తిస్తుంది. తర్వాత ఈఎంఐ మొత్తం పెరుగుతుంది.

బెలూన్ ఈఎంఐ స్కీమ్ మరొకటి. ఈ స్కీమ్ కింద ఈఎఐం మొత్తం రూ.1797 నుంచి ప్రారంభమౌతుంది. రూ.లక్ష మొత్తానికి ఇది వర్తిస్తుంది. ఇక్కడ ఈఎంఐ లోన్ టెన్యూర్ మొత్తం ఒకేలా ఉంటుంది. స్టెప్ అప్ ఈఎంఐ స్కీమ్ అనేది చివరి స్కీమ్. ఇందులో ఈఎంఐ ప్రతి ఏడాది 10 శాతం చొప్పున పెరుగుతూ వెళ్తుంది. ఈ స్కీమ్‌లో ఈఎంఐ రూ.లక్షకు రూ.1752 నుంచి ప్రారంభమౌతుంది. ఇకపోతే కారు కొనుగోలు చేయాలని భావించే వారికి బ్యాంక్ కారు ధరకు సమానమైన రుణం అందిస్తోంది. మే నెల నుంచి కారు కొనుగోలు చేసేవారికి ఎంపిక చేసిన మోడళ్లపై ఈ ఫైనాన్స్ స్కీమ్స్ వర్తిస్తాయి.



Source link

Leave a Reply

Your email address will not be published. Required fields are marked *