Mary Kom: బాక్సర్ మేరీకోమ్‌‌ని సర్‌ప్రైజ్ చేసిన ఢిల్లీ పోలీసులు – olympian boxer mary kom thanks delhi police


భారత దిగ్గజ బాక్సర్ మేరీకోమ్‌‌‌ని ఢిల్లీ పోలీసులు సర్‌ప్రైజ్ చేశారు. కరోనా వైరస్ నియంత్రణకి గత రెండు నెలలుగా రాత్రింబవళ్లు కష్టపడుతున్న పోలీసులు.. లాక్‌డౌన్ కారణంగా ఇంట్లోనే ఉంటున్న మేరీకోమ్‌ ఇంటికి బర్త్‌డే కేక్‌తో వెళ్లి ఆమెని ఆశ్చర్యపరిచారు. మేరీకోమ్ చిన్న కొడుకు ప్రిన్స్ కోమ్ గురువారం ఏడో పుట్టినరోజు వేడుకలు జరుపుకోగా.. అతని కోసం ఢిల్లీలోని తుగ్లక్ రోడ్ పోలీస్ స్టేషన్ పోలీసులు కేక్‌ని తీసుకెళ్లారు.

ఢిల్లీ పోలీసుల తన ఇంటికి కేక్ తీసుకురావడంపై మేరీకోమ్ ట్విట్టర్‌లో స్పందించారు. అందులో ఢిల్లీ పోలీసులకి థ్యాంక్స్ చెప్పిన ఈ అగ్రశ్రేణి బాక్సర్.. తన కొడుకు పుట్టినరోజుని మరింత ప్రత్యేకంగా మార్చారని చెప్పుకొచ్చారు. అలానే పోలీసుల్ని ఓ పోరాట యోధులుగా మేరీకోమ్ అభివర్ణిస్తూ.. విధుల్లో వారి అంకిత భావానికి సెల్యూట్ చేశారు.

ఆరు సార్లు వరల్డ్ ఛాంపియన్‌గా నిలిచిన మేరీకోమ్.. ప్రస్తుతం రాజ్యసభ ఎంపీగా ఉన్నారు. ఇక ఈ ఏడాది టోక్యో ఒలింపిక్స్‌పై గంపెడాశలు పెట్టుకున్న మేరీకోమ్ గత ఏడాదికాలంగా వివాదాల నడుమ ప్రాక్టీస్‌ని కొనసాగిస్తోంది. టోక్యో ఒలింపిక్స్‌లో 48 కేజీల విభాగం లేకపోవడంతో గత ఏడాది 51 కేజీల కేటగిరీకి మేరీకోమ్ మారింది. దీంతో.. ఆ విభాగంలో పోటీపడుతున్న తెలంగాణ బాక్సర్ నిఖత్ జరీన్‌ అభ్యంతరం తెలపడంతో.. పెద్ద ఎత్తున వివాదం చెలరేగింది. ఆ నేపథ్యంలో ఇద్దరి మధ్య ట్రయల్స్ నిర్వహించారు. ఆ ఫైట్‌లో జరీన్‌ని చిత్తుగా ఓడించిన మేరీకోమ్.. ఒలింపిక్స్‌కి మార్గం సుగుమం చేసుకుంది. కానీ.. కరోనా వైరస్ కారణంగా ఈ ఏడాది జరగాల్సిన ఒలింపిక్స్ వచ్చే ఏడాదికి వాయిదాపడ్డాయి.



Source link

Leave a Reply

Your email address will not be published. Required fields are marked *