masturbation for immunity: హస్త ప్రయోగంతో రోగ నిరోధక శక్తి పెరుగుతుందా? వైద్యుల సూచన ఇది! – can masturbation boost your immune system? is this prevent covid-19?


లాక్‌డౌన్ నేపథ్యంలో చాలామంది ఇళ్లకే పరిమితమైన సంగతి తెలిసిందే. కుర్రకారుకైతే కాలేజీలు, చదువులు ఎలాగో లేవు. ఉద్యోగులకైతే పనులు లేక ఖాళీగానే ఉన్నారు. చేతిలో మొబైల్.. బోలెడంత ఇంటర్నెట్ అందుబాటులో ఉండనే ఉంది. ఒకవేళ వీరు ఇంట్లో ఒంటరిగా ఉంటున్నట్లయితే.. ఏం చేస్తారో ప్రత్యేకంగా చెప్పనక్కర్లేదు. ఔను, మీరు ఊహించింది కరక్టే! చాలామంది హస్త ప్రయోగంతో టైంపాస్ చేసేస్తున్నారు. రోజంతా ఇంటర్నెట్‌లో దొరికే పోర్న్ వీడియోలను, హాట్ సీన్లను చూసేస్తూ స్వయంతృప్తి పొందుతున్నారు. అయితే, రోజూ హస్త ప్రయోగం చేయడం ఆరోగ్యకరమేనా? హస్త ప్రయోగం వల్ల రోగ నిరోధక శక్తి పెరుగుతుందని వస్తున్న వార్తల్లో నిజమెంతా? దీనిపై నిపుణులు, స్టడీలు ఏం చెబుతున్నాయి? తదితర వివరాలను ఇప్పుడు చూద్దాం.

ప్రయోజనాలు ఎన్నో: హస్త ప్రయోగం వల్ల ఎన్నో ప్రయోజనాలు ఉన్నాయి. ఇది అలవాటుగా మారి, అతిగా చేయడమే డేంజర్. క్రమపద్ధతిలో.. అంటే వారానికి మూడు నుంచి నాలుగుసార్లు హస్తప్రయోగం చేసేవారికి చాలా లాభాలు ఉన్నాయి. మెదడుకు సంతోషాన్ని కలిగించే హార్మోన్లు విడుదల కావడం ద్వారా ఆరాటం(anxiety), ఒత్తిడి వంటివి తగ్గుముఖం పడతాయి. ముఖ్యంగా హస్తప్రయోగం చివర్లో స్కలనం జరిగే సమయంలోనే ఈ ప్రక్రియ చోటుచేసుకుంటుంది. మైగ్రేన్ వల్ల నిత్యం తలనొప్పితో బాధపడేవారికి కూడా ఇది మంచి ఔషదం. నిద్రకూడా బాగా పడుతుంది.

‘కరోనా వైరస్‌’ నుంచి బయటపడేస్తుందా?: కరోనా వైరస్ నేపథ్యంలో చాలామందిలో ఓ వింత ప్రశ్న మెదడులో మెదులుతోంది. హస్త ప్రయోగం లేదా స్వయంతృప్తి పొందేవారికి ఈ వ్యాధి సోకదనే వదంతులు వస్తున్నాయి. కానీ, అదంతా అవాస్తవం. హస్త ప్రయోగం వల్ల రోగ నిరోధక శక్తి పెరుగుతుందనే సమాచారం ఆధారంగా ఈ వదంతులను సృష్టిస్తున్నారు. అయితే, ‘హస్త ప్రయోగం’ కరోనాకు మందు కాదు. అది వస్తే శరీరానికి రక్షణ కల్పించే రోగ నిరోధక వ్యవస్థను దృఢపరిచేందుకు మాత్రమే ఉపయోగపడుతుంది.

ఆ స్టడీలో ఏం తేలిందంటే..: 2004లో నిర్వహించిన ఓ స్టడీలో పురుషులు హస్త ప్రయోగం చేసుకోవడం వల్ల శరీరంలో కలిగే మార్పులను గమనించారు. హస్త ప్రయోగం చివర్లో.. అంటే క్లైమాక్స్‌లో రక్తంలో ఉండే తెల్లరక్త కణాల సంఖ్య పెరిగినట్లు తెలిసింది. తెల్ల రక్తకణాలు శరీరంలోని ఇన్ఫెక్షన్లను రాకకుండా అరికడతాయి. అలాగే, రక్తాన్ని గడ్డకట్టించడం, గాయాలను మాన్చడంలో ఇవి కీలక పాత్ర వహిస్తుంది. అంతేగాక, రోగనిరోధక శక్తిని పెంచే ప్రోటీన్ హార్మోన్లు ఆడ్రినలిన్, ప్రోలాక్టిన్ ప్లాస్మాలు సైతం వృద్ధి చెందుతాయని కనుగొన్నారు. హస్త ప్రయోగం వల్ల టైప్-2 మధుమేహం ముప్పు కూడా తగ్గుతుందని తెలపడం గమనార్హం. అయితే, అది అప్పట్లో నిర్వహించిన చాలా చిన్న అధ్యయనం. కేవలం 11 మందిపైనే ఈ స్టడీ జరిగింది. అయితే, ఈ విషయాన్ని వైద్యులు సైతం ధృవీకరించడం గమనార్హం.

వైద్య నిపుణులు ఏమంటున్నారు?: ప్రముఖ గైనకాలజిస్ట్, సెక్స్‌వల్ వెల్‌నెస్ బ్రాండ్ ‘హ్యన్స్’ సహ వ్యవస్థాపకుడు డాక్టర్ సారా వెల్ష్ ‘మెట్రో యూకే’తో మాట్లాడుతూ.. భావప్రాప్తి కలిగినప్పుడు లేదా హస్త ప్రయోగంలో క్లైమాక్స్‌ సమయంలో ఏర్పడే కంపోనెంట్స్ వల్ల రోగనిరోధక శక్తి పెరుగుతుందని చెప్పడానికి ఆధారాలు ఉన్నాయన్నారు. వీటి వల్ల రక్తప్రవాహంలో రోగనిరోధక కణాలు, ఆడ్రినలిన్‌ల మోతాదు పెరిగినట్లు గుర్తించామని తెలిపారు.

Also Read: లాక్‌డౌన్‌లో అదే పనిగా హస్తప్రయోగం? అతిగా చేస్తే ఈ సమస్యలు తప్పవు!

లండన్‌కు చెందిన డాక్టర్ లూసీ గ్లాన్సీ చెప్పిన వివరాలు ప్రకారం.. ‘‘హస్తప్రయోగం రోగ నిరోధకశక్తిని నాలుగింతలు రెట్టింపు చేస్తుంది. భౌతికంగా, మానసికంగా సానుకూల ప్రభావం చూపుతుంది. మానసికంగా ఒత్తిడిని తగ్గించడంలో కీలక పాత్ర వహిస్తుంది. అలాగే, భౌతికంగా ఎండార్ఫిన్స్ డోపామైన్, కాటెకోలమైన్‌లను పెంచుతుంది. ఇవి రోగనిరోధక వ్యవస్థకు ఎంతో ముఖ్యమైనవి’’ అని తెలిపారు. హస్తప్రయోగం, భావిప్రాప్తిలాంటివి లింఫోసైట్లను వ్యాప్తి చేయడానికి ఉపయోగిపడతాయని, ఇవి రోగనిరోధక వ్యవస్థల్లో సైనికుల్లా పనిచేస్తాయని పేర్కొన్నారు.

Also Read: భోజనం తర్వాత సెక్స్ చేయొచ్చా? ఎలాంటి సమస్యలు వస్తాయి?

ఈ విషయాన్ని మరిచిపోవద్దు: చివరిగా తెలుసుకోవలసిన విషయం ఏమిటంటే.. హస్త ప్రయోగం వల్ల కరోనా వైరస్ తగ్గిపోదు. ‘‘రోజూ హస్త ప్రయోగం చేసుకుంటున్నా.. నాలో బోలెడంత రోగనిరోధక శక్తి ఉంటుందనే ధీమా కూడా పనికిరాదు. ఎందుకంటే అది కరోనా.. అది అంటుకుంటే మీరు మాత్రమే కాదు.. మీ కుటుంబ సభ్యులు, స్నేహితులు అందరూ ప్రమాదంలో పడతారు. కాబట్టి జాగ్రత్తగా ఉండండి. పైన చెప్పిన విషయాలన్నీ స్టడీ, వైద్య నిపుణులు చెప్పిన వివరాలు ఆధారంగా ఇచ్చినవేనని గమనించగలరు.



Source link

Leave a Reply

Your email address will not be published. Required fields are marked *