Meera Chopra: Jr Ntr: పవన్ హీరోయిన్‌ని వేశ్య, పోర్న్ స్టార్ అంటూ ఎన్టీఆర్ ఫ్యాన్స్ దారుణమైన పోస్ట్‌లు.. పోలీసులకు ఫిర్యాదు – jr ntr fans vulgar posts on meera chopra


ఎగిరే చిలకమ్మా.. నా రంగుల మొలకమ్మా.. చిలకలు కొట్టని పండొకటిస్తా చీటీ ఇవ్వమ్మా.. అంటూ వవన్ కళ్యాణ్‌తో ప్రేమ పాటలు పడించిన మీరా చోప్రా తెలుగు ప్రేక్షకులకు గుర్తుండే ఉంటుంది. 2006లో పవర్ స్టార్ పవన్ కళ్యాణ్‌కి జోడీగా ‘బంగారం’ చిత్రంలో నటించింది ఈ బ్యూటీ. ఆ తరువాత ‘వాన’ చిత్రంలో ఆకట్టుకుని, మారో, గ్రీకువీరుడు లాంటి చిత్రాల్లో నటించింది కాని.. ఆ సినిమాలు ఎప్పుడు వచ్చాయి ఎప్పుడు వెళ్లాయో కూడా తెలియకపోవడంతో పవన్ హీరోయిన్ మీరా చోప్రా టాలీవుడ్ ఫేడౌట్ హీరోయిన్ లిస్ట్‌లో చేరింది.

అయితే ప్రస్తుతం ఆమె మొగలిపువ్వు అనే చిత్రంలో నటిస్తున్నారు ప్రస్తుతం పోస్ట్ ప్రొడక్షన్స్ దశలో ఉంది ఈ మూవీ. ఇదిలా ఉంటే తనను ఎన్టీఆర్ ఫ్యాన్స్ వేధిస్తున్నారంటూ సోషల్ మీడియాలో సంచలన ట్వీట్ చేసింది మీరా చోప్రా. సోషల్ మీడియాలో యాక్టివ్‌‌గా ఉండే మీరా చోప్రా… ట్విట్టర్‌లో అభిమానులతో ముచ్చటించారు. ఈ సందర్భంగా తెలుగులో మీ అభిమాన హీరో ఎవరని ఆమెను ఓ నెటిజన్ ప్రశ్నించగా.. మహేష్ బాబు అని మొహమాటం లేకుండా చెప్పింది మీరా.. అయితే మరి మా ఎన్టీఆర్ సంగతి ఏంటని మరో నెటిజన్ అడగ్గా… తాను ఎన్టీఆర్ ఫ్యాన్‌ని కాదని.. ఎన్టీఆర్ కంటే మహేష్ బాబు అంటేనే ఎక్కువ ఇష్టం అని చెప్పడంతో ఎన్టీఆర్ అభిమానులకు కోపం వచ్చింది.

దీంతో మీరా చోప్రాపై అసభ్యకరమైన రీతిలో కామెంట్స్ పెడుతూ ఆమెను ట్రోల్ చేయడం ప్రారంభించారు ఎన్టీఆర్ ఫ్యాన్స్. దీంతో మీరా చోప్రా ఎమోషనల్ పోస్ట్ పెట్టారు. ‘ఎన్టీఆర్ ఫ్యాన్స్ తనను వేశ్య, పోర్న్ స్టార్ వంటి దారుణమైన పదాలతో పిలుస్తారని ఊహించలేదని… కేవలం ఎన్టీఆర్ కంటే మహేష్ బాబునే ఎక్కువ ఇష్టపడతానని చెప్పడం వల్ల తనను అసభ్యకరమైన రీతిలో తిడుతున్నారని వాపోయింది మీరా చోప్రా. ఈ సందర్భంగా ఎన్టీఆర్‌ని ట్యాగ్ చేస్తూ.. ‘మీ అభిమానులు నా తల్లిదండ్రులకు కూడా ఇలాంటి అసభ్యకరమైన సందేశాలు పంపుతున్నారు.ఇటువంటి అభిమానులతో మీరు సక్సెస్ సాధించినట్టు భావిస్తున్నారా అని ఎన్టీఆర్‌ని ప్రశ్నించింది మీరా చోప్రా. తన ట్వీట్‌పై ఎన్టీఆర్ తప్పకుండా స్పందిస్తారని ఆశాభావం వ్యక్తం చేసింది మీరా. ఈ ట్వీట్‌కి మహేష్ బాబుని కూడా ట్యాగ్ చేసింది మీరా.

అయితే ఇలాంటి ఇష్యూస్‌పై వెంటనే స్పందించే సింగర్ చిన్మయి.. సైబర్ క్రైమ్‌కి కంప్లైంట్ చేయమని సలహా ఇవ్వడంతో హైదరాబాద్ సైబర్ క్రైమ్ పోలీసులకు ట్విట్టర్ ద్వారా ఫిర్యాదు చేసింది మీరా చోప్రా. అంతే కాదు తనను ఎలాంటి నీఛమైన పదాలతో దూసిస్తున్నారో తెలియజేస్తూ వాటి స్క్రీన్ షాట్స్‌ని షేర్ చేసింది మీరా చోప్రా.



Source link

Leave a Reply

Your email address will not be published. Required fields are marked *