metabolism foods: గ్రీన్ టీ.. నిజంగానే బరువు తగ్గిస్తుందా.. – the best foods to boost your metabolism know here all details


కొంతమందికి స్వతహాగా మెటబాలిజం ఫాస్ట్ గా ఉంటుంది. కాబట్టి, వారు సులభంగా హెల్తీ వెయిట్ ను మెయింటైన్ చేయగలుగుతారు. మెటాబాలిజం వేగంగా ఉంటే కేలరీస్ అనేవి సులభంగా అలాగే వేగంగా కరిగిపోతాయి. వెయిట్ గెయిన్ సమస్య తగ్గుతుంది. ఐతే, మనలో అందరికీ ఫాస్ట్ మెటబాలిజం అనేది సహజసిద్ధంగానే వరంగా దక్కిందని చెప్పలేము. స్లో మెటబాలిజం కలిగిన వాళ్ళు త్వరగా బరువు పెరుగుతారు. బరువు తగ్గడమనేది వారికి ఎంతో కష్టమైన పని. అదృష్టవశాత్తు, కొన్ని రకాల ఆహారపదార్థాలు మెటాబాలిజాన్ని బూస్ట్ చేయడానికి సహకరిస్తాయి. వెయిట్ లాస్ ప్రాసెస్ ను వేగవంతం చేస్తాయి. బరువు తగ్గేందుకు ప్రయత్నించే వారిలో మీరు కూడా ఉన్నారా? ఐతే, ఈ విటమిన్స్ అలాగే మినరల్స్ ను మీ డైట్ లో భాగం చేసుకోండి.

​విటమిన్ బి:

విటమిన్ బి అనేది మీరు తీసుకునే ఆహారం మీకు తగినంత శక్తిని ఇవ్వడానికి హెల్ప్ చేస్తుంది. ఇది బాడీలో కొవ్వుగా మారుతుంది. ఫ్యాట్ కానివ్వండి, కార్బ్స్ కానివ్వండి లేదా ప్రోటీన్ కానివ్వండి, ఈ న్యూట్రియెంట్ అనేది అన్ని రకాల ఆహారాలను మెటాబలైజ్ చేయడానికి సహకరిస్తుంది. ఈ న్యూట్రియెంట్ లోపం తలెత్తితే వెయిట్ గెయిన్ సమస్యకు దారితీస్తుంది. అలాగే మీ మానసిక స్థితిపై కూడా దుష్ప్రభావం చూపుతుంది. లీన్ మీట్, డెయిరీ, హోల్ గ్రెయిన్, బనానా, ఆపిల్ అండ్ స్పినాచ్ వంటివి విటమిన్ బి పుష్కలంగా లభించే సోర్సెస్.

గ్రీన్ టీ:

గ్రీన్ టీ ను తాగితే మెటబాలిజం వేగవంతమవుతుంది. రోజుకు రెండు నుంచి నాలుగు కప్పుల టీ తాగితే ఇంప్రూవ్మెంట్ ను నోటీస్ చేయగలుగుతారు. దీని వల్ల బరువు తగ్గుతారు. అందుకే.. రెగ్యులర్ బరువు తగ్గాలనుకునేవారు ముందుగా మీ డైట్‌లో గ్రీన్‌టీని యాడ్ చేసుకోండి. దీని వల్ల మీ మెటబాలిజం పెరిగి అనుకున్న సమయంలోనే బరువు తగ్గుతారు.. ముందు ముందు బరువు పెరగకుండా ఉంటారు.

Also Read : ఎంత ట్రై చేసినా బరువు తగ్గట్లేదా.. కారణం ఇదే అయి ఉండొచ్చు..

​మెగ్నీషియం:

మెగ్నీషియం అనేది ఎనర్జీను ప్రొడ్యూస్ చేసే కెమికల్ రియాక్షన్స్ విషయంలో ముఖ్యమైన రోల్ పోషిస్తుంది. ఈ న్యూట్రియెంట్ లేకపోతే, మన మెటబాలిజం అలాగే ఎనర్జీ ఉత్పత్తయ్యే ప్రాసెస్ అనేవి నెమ్మదిస్తాయి.

​ఐరన్:

మెటాబాలిజాన్ని బూస్ట్ చేసే విషయంలో ఈ న్యూట్రియెంట్ గొప్ప పాత్ర పోషిస్తుంది. ఐరన్ లెవెల్స్ రక్తంలో తక్కువగా ఉన్నాయంటే మజిల్స్ కు చాలా తక్కువ మోతాదులో ఆక్సిజన్ అనేది రవాణా అవుతుందని అర్థం. ఇది ఫ్యాట్ బర్నింగ్ ప్రాసెస్ ను అడ్డుకుంటుంది. మెటబాలిక్ రేట్ కు అంతరాయం ఏర్పరుస్తుంది. హెల్తీ గ్రోత్, డెవెలప్మెంట్ అలాగే మెటాబాలిజాన్ని ఇంప్రూవ్ చేసే విషయంలో ఈ న్యూట్రియెంట్ అనేది ముఖ్యపాత్ర పోషిస్తుంది.

​కాల్షియం:

బ్లడ్ షుగర్ లెవెల్ ను కంట్రోల్ చేయడానికి అలాగే మెటాబాలిజాన్ని బూస్ట్ చేయడానికి కాల్షియం ఎంతగానో హెల్ప్ చేస్తుంది. కాల్షియం అనేది శరీరంలోని కోర్ టెంపరేచర్ ను పెంపొందిస్తుంది. దీన్నే తెర్మాజెనెసిస్ ఎఫెక్ట్ అనంటారు. ఇది మెటాబాలిజాన్ని బూస్ట్ చేస్తుంది. మన శరీరం ఫ్యాట్ బర్నింగ్ చేయడానికి సహకరిస్తుంది.

డెయిరీ ప్రోడక్ట్స్, ఆల్మండ్స్ అలాగే సీడ్స్ ను మీ డైట్ లో భాగంగా చేసుకుంటే కాల్షియం ఇంటేక్ ను పెంచుకోవచ్చు.

​విటమిన్ సి:

విటమిన్ సి అనేది అత్యద్భుతమైన మెటాబాలిజాన్ని అలాగే మూడ్ ను బూస్ట్ చేసే న్యూట్రియెంట్. కొన్ని స్టడీస్ ప్రకారం విటమిన్ సి అనేది ఆక్సిడేటివ్ స్ట్రెస్ పై పోరాడేందుకు హెల్ప్ చేస్తుంది. ఈ న్యూట్రియెంట్ లోపం తలెత్తితే బరువు తగ్గడంతో ఇబ్బంది తలెత్తుతుంది. టమాటోస్, ఆరెంజస్ అలాగే నిమ్మ వంటివి విటమిన్ సి రిచ్ ఫుడ్స్ అని గమనించాలి.

Also Read : జలుబు, దగ్గుని తగ్గించే సిరప్‌ని ఇంట్లోనే తయారు చేసుకోండి…

​మెటాబాలిజాన్ని పెంచే టిప్స్..

మన శరీరం ఎంత వేగంగా కేలరీలను బర్న్ చేస్తుంది అనేది అనేక విషయాలపై ఆధారపడి ఉంటుంది. కొంతమంది వేగవంతమైన మెటాబాలిజాన్ని వారసత్వంగా పొందుతారు. పురుషులు విశ్రాంతి తీసుకునేటప్పుడు కూడా మహిళల కంటే ఎక్కువ కేలరీలను బర్న్ చేస్తారు. మరియు చాలా మందికి, 40 ఏళ్ళ తర్వాత మెటబాలిజం క్రమంగా మందగిస్తుంది. ఏజ్, జెండర్ లేదా జీన్స్ ను మీరు కంట్రోల్ చేయలేనప్పటికీ, మెటాబాలిజాన్ని ఇంప్రూవ్ చేయడానికి అనేక ఇతర మార్గాలు ఉన్నాయి. వాటిలో కొన్నిటిని ఇక్కడ వివరిస్తున్నాము.

​మజిల్స్:

మన శరీరం కేలరీలను నిరంతరం బర్న్ చేయగలుగుతుంది. ఏ పనీ చేయని సమయంలో కూడా ఈ ప్రాసెస్ కంటిన్యూ అవుతుంది. రెస్టింగ్ మెటబాలిక్ రేట్ అనేది మజిల్స్ ఎక్కువగా ఉన్నవారిలో ఎక్కవగా ఉంటుంది. మజిల్ లోని ప్రతి పౌండ్ అనేది రోజుకు ఆరు కేలరీలను బర్న్ చేస్తుంది. మరో వైపు ఫ్యాట్ లోని ప్రతి పౌండ్ ప్రతిరోజూ కేవలం రెండు కేలరీలను మాత్రమే కరిగిస్తుంది. ఈ చిన్న డిఫరెన్స్ అనేది రాను రాను మీకెంతో మంచి మార్పును సూచిస్తుంది. స్ట్రెంత్ ట్రైనింగ్ సెషన్ తరువాత శరీరంలోని మజిల్స్ అన్నీ యాక్టివేట్ అవుతాయి. దాంతో, యావరేజ్ డైలీ మెటబాలిక్ రేట్ పెరుగుతుంది.

​వాటర్:

కేలరీలను ప్రాసెస్ చేయడానికి మీ శరీరానికి నీరు ఎంతో అవసరం. మీరు మైల్డ్ గా నైనా డీహైడ్రేషన్ కి గురైతే, మీ మెటబాలిజం మందగించవచ్చు. ఒక స్టడీలో, నాలుగు గ్లాసుల కంటే తక్కువ నీటిని తాగిన వారితో పోల్చితే రోజుకు ఎనిమిది లేదా అంతకంటే ఎక్కువ గ్లాసుల నీరు తాగిన అడల్ట్స్ ఎక్కువ కేలరీలను బర్న్ చేయగలిగారు. హైడ్రేటెడ్ గా ఉండడానికి, ప్రతి మీల్ అలాగే స్నాక్ కి ముందు ఒక గ్లాసు నీరు త్రాగడం మంచిది. సహజంగానే నీళ్లు కలిగిన తాజా పండ్లు అలాగే కూరగాయలను తీసుకోవాలి.

​స్మాల్ మీల్స్:

తరచూ ఎదో ఒకటి తినడం వలన బరువు తగ్గవచ్చు. లార్జ్ మీల్స్ ను ఒకేసారి తీసుకుంటూ మీల్స్ కి మీల్స్ కి మధ్య చాలా గ్యాప్ ఉంచితే మెటబాలిజం రేట్ నెమ్మదిస్తుంది. స్మాల్ మీల్ లేదా స్నాక్ అనేది ప్రతి మూడు లేదా నాలుగు గంటలకు తీసుకుంటే మీ మెటబాలిజం ఇంప్రూవ్ అవుతుంది. క్రమం తప్పకుండా స్నాక్స్ ను తీసుకునేవారు మీల్స్ సమయంలో తక్కువగా తింటున్నారని అనేక స్టడీస్ లో తేలింది.

Also Read : కూరలో కారం, ఉప్పు ఎక్కువైతే ఇలా చేసి చూడండి..

​స్పైసీ ఫుడ్స్:

స్పైసీ ఫుడ్స్ లో నేచురల్ కెమికల్స్ ఉంటాయి. ఇవి మెటాబాలిజాన్ని పెంపొందిస్తాయి. ఎండు మిర్చి లేదా పచ్చిమిర్చిని వంటకాలకు యాడ్ చేస్తే మెటబాలిజం నేచురల్ గానే ఇంప్రూవ్ అవుతుంది. ఈ విధంగా నేచురల్ విధానంలోనే మెటాబాలిజాన్ని ఇంప్రూవ్ చేసుకోవచ్చు.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.



Source link

Leave a Reply

Your email address will not be published. Required fields are marked *