migrant workers in telangana : KCR: వలస కూలీలకు సీఎం వరాలు.. ఒక్కొక్కరికి 12 కిలోల బియ్యం, రూ.500 – cm kcr announces 12 kgs rice and rs 500 to reach migrant workers


తెలంగాణలో పని చేస్తున్న ఇతర రాష్ట్రాల వలస కూలీలకు సీఎం కేసీఆర్ భరోసా ఇచ్చారు. మన దగ్గర 3.35 లక్షల మంది వలస కూలీలు మన దగ్గర ఉన్నారని సీఎం తెలిపారు. వీరిలో ఎక్కువ మంది హైదరాబాద్ పరిసర ప్రాంతాల్లో ఉన్నారన్నారు. వీరంతా మా సోదరులన్న సీఎం.. మన రాష్ట్ర పురోగతి కోసం వీరంతా పని చేస్తున్నారని కొనియాడారు. తెలంగాణ పునఃనిర్మాణంలో వీరు భాగస్వాములన్నారు. వీరు సొంత రాష్ట్రానికి వెళ్లాలనే ఆలోచన మానుకోవాలన్నారు.


వీరంతా మన కుటుంబ సభ్యులతో సమానం అన్న సీఎం… ఒక్కో వలస కూలీకి 12 కిలోల బియ్యం, రూ.500 ఇస్తామని తెలిపారు. రేషన్ కార్డు లేకపోయినా ఒక్కో వలస కూలీకి రూ.500 ఇస్తామన్నారు. ఎట్టి పరిస్థితుల్లోనూ మన రాష్ట్రంలో ఒక్కరు కూడా ఆకలితో ఉండొదన్నారు. వలస కూలీలు ఉన్నచోటే ఎలాంటి ఇబ్బంది లేకుండా ఉండేలా చూడటం కోసం మంచినీరు, వసతి, భోజనం, వైద్య సాయం అందించాలని అధికారులను కేసీఆర్ ఆదేశించారు. అవసరమైతే ప్రత్యేకంగా వంటలు వండి వారికి ఆహారం అందించాలన్నారు. వలస కూలీలకు చికిత్స అందించడం కోసం ఫంక్షన్ హాళ్లను వాడుకోవాలని సీఎం సూచించారు.

వలస కూలీలను ఎక్కడి వాళ్లను అక్కడే ఉండేలా ఏర్పాట్లు చేయాలని కేంద్రం రాష్ట్రాలకు సూచించింది. వారికి వసతి, భోజన ఏర్పాట్లు చేయాలని ఆదేశించింది. ఇందుకోసం రూ.29 వేల కోట్ల ఎస్డీఆర్ఎఫ్ నిధులను వాడుకోవాలని సూచించింది.





Source link

Leave a Reply

Your email address will not be published. Required fields are marked *