migrants in hyderabad: వలస కూలీల తరలింపు ప్రక్రియలో వేగం.. నోడల్ అధికారులు వీరే.. – telangana government appoints nodal officers for migrants evacuate


లాక్ డౌన్ అమలు చేస్తుండడం వల్ల వివిధ చోట్ల చిక్కుకుపోయిన రోజువారీ వలస కూలీలు, కార్మికుల తరలింపునకు రాష్ట్ర ప్రభుత్వం చర్యలను ముమ్మరం చేసింది. ఇందుకోసం తెలంగాణలో ఇద్దరు నోడల్ అధికారులను నియమిస్తూ ఉత్తర్వులు జారీ చేసింది. పంచాయతీరాజ్ శాఖ కార్యదర్శి సందీప్ కుమార్ సుల్తానియా, పోలీస్ విభాగం నోడల్ అధికారిగా అడిషనల్ డీజీ జితేందర్‌ను నోడల్ అధికారులుగా నియమించారు. కూలీలను ఇతర రాష్ట్రాలకు పంపాల్సిన సందర్భంలో.. ఈ నోడల్ అధికారులు ఆయా రాష్ట్రాల అధికారులతో సంప్రదింపులు జరపుతారు.

అంతకుముందు, వలస కార్మికులను సొంత ప్రాంతాలకు చేర్చే అంశంపై ప్రభుత్వ ప్రధాన కార్యదర్శి సోమేశ్ కుమార్‌ సమీక్ష నిర్వహించారు. ఇతర రాష్ట్రాల్లో ఉన్న తెలంగాణ కార్మికుల వివరాలు ఇవ్వాలని అన్ని రాష్ట్రాలకు లేఖలు రాసినట్లు సీఎస్‌ సోమేష్‌కుమార్‌ చెప్పారు. తెలంగాణలో ఉన్న వలస కార్మికులకు స్క్రీనింగ్‌ నిర్వహించి ఎలాంటి లక్షణాలు లేనివారికి నోడల్‌ అథారిటీ పాసులు జారీ చేస్తుందని సీఎస్‌ తెలియజేశారు.

Also Read:

మే 5లోగా ఆ రిపోర్టుతో రండి.. అధికారులకు కేసీఆర్ ఆదేశం

చాలా చోట్ల పని లేక వలస కార్మికులు ఇబ్బందులు పడుతున్న నేపథ్యంలో వివిధ రాష్ట్రాల్లో చిక్కుకుపోయిన వారు రాష్ట్రాలకు వెళ్లేందుకు కేంద్ర హోం శాఖ బుధవారం అనుమతి ఇచ్చింది. దీనిపై రాష్ట్రాలు ఏర్పాట్లు చేసుకోవచ్చని సూచించింది. వేరే రాష్ట్రాల్లో చిక్కుకున్న వారు ప్రత్యేక బస్సుల్లో సొంత రాష్ట్రాలకు వెళ్లే అవకాశం ఉంది. అయితే, కరోనా లక్షణాలు లేని వారిని మాత్రమే స్వస్థలాలకు వెళ్లేందుకు అనుమతి ఇస్తారు. వలస కూలీలను తీసుకెళ్లేందుకు ఉపయోగించే వాహనాలను శానిటైజ్ చేయాలని, సామాజిక దూరం వంటి నిబంధనలు పాటించాలని కేంద్ర హోం శాఖ కార్యదర్శి అజయ్ భల్లా పేరిట జారీ చేసిన ఉత్తర్వుల్లో పేర్కొన్నారు.

Also Read:మిగిలిన మటన్‌ను ఇలా కూడా అమ్ముతారా! సోదాల్లో షాకింగ్ నిజాలు



Source link

Leave a Reply

Your email address will not be published. Required fields are marked *