migrants missing from shramik train: శ్రామిక్‌ రైలు గమ్యం చేరే సరికి 167 మంది మాయం – 167 passengers go missing from shramik train reached haridwar from surat


లస కార్మికుల తరలింపు కోసం ఏర్పాటు చేసిన శ్రామిక్ రైళ్ల విషయంలో అధికారులకు కొత్త తలనొప్పులు వస్తున్నాయి. గుజరాత్‌లోని సూరత్ నుంచి 1,340 మంది వలస కార్మికులతో బయలుదేరిన శ్రామిక్ రైలులో గమ్యస్థానం చేరేసరికి 1,173 మంది మాత్రమే ఉన్నారు. 167 మంది ఆచూకీ లేకుండా పోవడంతో అధికారుల్లో ఆందోళన మొదలైంది. ఈ కార్మికులందరూ రైలు తక్కువ వేగంతో ప్రయాణించినప్పుడు లేదా ఏదైనా స్టేషన్‌లో ఆగినప్పుడు దిగి వెళ్లిపోయి ఉంటారని అనుమానిస్తున్నారు. 14 రోజుల క్వారంటైన్‌ను తప్పించుకోవడానికి సదరు కార్మికులు ఇలా చేశారా అనే అనుమానం కలుగుతోంది.

మే 12న గుజరాత్‌లోని సూరత్‌ నుంచి ఉత్తరాఖండ్‌లోని హరిద్వార్‌కు 1340 వలస కార్మికులతో ప్రత్యేక రైలు బయల్దేరింది. రైలు హరిద్వార్‌కు చేరుకునే సమయానికి అందులో 1173 మంది వలస కూలీలు మాత్రమే ఉన్నట్టు అధికారులు గుర్తించారు. దీంతో అధికారుల్లో కలవరం మొదలైంది. అధికారులు అదృశ్యమైన వలస కార్మికులను గుర్తించే పనిలో పడ్డారు. ఈ ఘటనను తీవ్రంగా పరిగణిస్తున్నట్టు తెలిపారు.

వలస కార్మికుల సంఖ్యలో వ్యత్యాసానికి గల కారణాలను పరిశీలిస్తున్నట్టు హరిద్వార్ డీఎం తెలిపారు. సూరత్‌లోని అధికారులతో సంప్రదింపులు జరుపుతున్నట్టు తెలిపారు. కనిపించకుండా పోయిన వలస కార్మికులు రైలు బయలుదేరినప్పుడు అందులోనే ఉన్నారా, లేక మధ్యలో ఎక్కడైనా దిగిపోయారా అనే కోణాల్లోనూ విచారణ చేస్తున్నట్లు వివరించారు.

లాక్‌డౌన్‌ వల్ల దేశంలోని వివిధ ప్రాంతాల్లో చిక్కుకుపోయిన వలస కార్మికులు తిండి లేక, ఆదాయం లేక ఇబ్బందులు పడిన ఘటనలు కేంద్ర ప్రభుత్వాన్ని కదిలించాయి. దీంతో వారిని తరలించడానికి ప్రత్యేకంగా ఏర్పాట్లు చేసింది. మే 11 నుంచి శ్రామిక్‌ రైళ్ల ద్వారా వలస కూలీలను వారి స్వస్థలాకు తరలిస్తున్నారు. ఇందుకయ్యే వ్యయాన్ని కేంద్ర, రాష్ట్ర ప్రభుత్వాలే భరిస్తున్నాయి. గురువారం (మే 14) నాటికి ఈ ప్రత్యేక రైళ్ల ద్వారా 10 లక్షల మందిని గమ్యస్థానాలకు చేర్చినట్లు రైల్వే శాఖ తెలిపింది.

Don’t Miss:మా పేషెంట్ పరిస్థితి ఏంటి.. అంత్యక్రియలు పూర్తి చేశాం, షాకింగ్ ఘటన



Source link

Leave a Reply

Your email address will not be published. Required fields are marked *