migrants protests in hyderabad : హైదరాబాద్‌లో కదం తొక్కిన వలస కూలీలు.. 500 మంది, బక్కెట్లు పట్టుకొని.. – large number of migrants protests at hyderabad’s malkajgiri


హైదరాబాద్‌లో ఇతర రాష్ట్రాల నుంచి వలస వచ్చిన కొందరు వలస కార్మికులు పెద్ద సంఖ్యలో ధర్నాకు దిగారు. ప్రస్తుతం అమలవుతున్న లాక్ డౌన్ వల్ల ఎంతో ఇబ్బందులు పడుతున్నామని, తిండి, సరైన నివాసం లేక అవస్థలు పడుతున్నామని వారు వాపోయారు. దాదాపు 500 వరకూ వలస కార్మికులు మూకుమ్మడిగా నిరసనకు దిగడం గమనార్హం.


Also Read:
లాక్‌డౌన్‌లో కరెంటు బిల్లుపై ప్రభుత్వం ఆఫర్.. ఆ తర్వాత మళ్లీ..

హైదరాబాద్ మల్కాజిగిరిలోని సఫీల్‌గూడ వద్ద 500 మంది రోజువారి కూలీలు మూకుమ్మడి నిరసన చేపట్టారు. వివిధ నిర్మాణ సంస్థల వద్ద పని చేస్తున్న తామంతా ఇతర రాష్ట్రాల నుంచి వలస వచ్చి వారమే అని వారు తెలిపారు. బిహార్, యూపీ, జార్ఖండ్, పశ్చిమ బెంగాల్‌కు చెందినవారు వీరిలో అత్యధిక మంది ఉన్నారు. లాక్ డౌన్ ఉన్నందున తిండి లేక సరైన వసతులు లేక ఇబ్బందులకు గురవుతున్నామని వాపోయారు. తమకు బాత్రూంకు వెళ్లేందుకు కూడా నీళ్లు లేవని ఆవేదన చెందారు. కొంత మంది కార్మికులు బక్కెట్లు పట్టుకొని నిరసనకు దిగారు.

Also Read:
ఐసోలేషన్‌ వార్డు డాక్టర్లపై మళ్లీ దాడి.. మంత్రి ఈటల సీరియస్

ముఖ్యంగా గత 15 రోజులుగా ఎవరూ పట్టించుకోవడంలేదని, కనీసం తాగడానికి నీళ్లు కూడా లేవని వాపోయారు. ఎన్నో ఇబ్బందులు పడుతున్న తమను కాంట్రాక్టర్లు గానీ ప్రభుత్వం కానీ ఎలాంటి సాయం చేయడం లేదని ఆవేదన వ్యక్తం చేస్తూ సఫిల్‌గూడ రోడ్డుపైకి వచ్చి ధర్నాకు దిగారు. వెంటనే ప్రభుత్వం తమను ఆదుకోవాలని లేకపోతే తమ రాష్ట్రాలకు తమను తరలించాలని వేడుకుంటున్నారు. తమకు ఇక్కడ సామాజిక దూరం లేదని ఒక్కొక్క గదిలో 10 మందిని ఉంచుతున్నారని ఆవేదన వ్యక్తం చేస్తున్నారు. రాష్ట్ర ప్రభుత్వం దయతలచి నిత్యావసరాలు అందించాలని లేనిచో తమ రాష్ట్రాలకు పంపించమని విజ్ఞప్తి చేస్తున్నారు.

Also Read: లిక్కర్ అక్రమ రవాణాకు దిమ్మతిరిగే మార్గాలు.. పట్టుకున్న పోలీసులు





Source link

Leave a Reply

Your email address will not be published. Required fields are marked *