Milk ATM: హైదరాబాద్‌లో మిల్క్ ఏటీఎం.. రాత్రి 10గంటల వరకు అందుబాటులో – milk atm machine start first time in hyderabad


పొద్దున్న లేస్తే అందరూ ఫ్రీజ్ ఓపెన్ చేసి వెతికేది పాల కోసమే. వేకువజామున వేడి వేడి టీ లేదా కాఫీ తాగందే చాలామందికి రోజు గడవదు. అందుకే పొద్దున్న లేవగానే అందరూ పాల ప్యాకెట్ల కోసం క్యూ కడతారు. కొన్ని ప్రాంతాల్లో తొందరగా వెళ్తేనే పాలు దొరికే పరిస్థితి. అయితే ఇప్పుడు ఆ సమస్య లేదు. ఉదయం నుంచి రాత్రి వరకు బటన్ నొక్కితే పాలు వచ్చే ఏటీఎంలు అందుబాటులోకి వచ్చేశాయి. రాష్ట్ర రాజధాని హైదరాబాద్‌లో తొలిసారిగా మిల్క్ ఏటీఎంలను ప్రారంభించారు.

రాష్ట్రంలోనే ఫస్ట్ పాల ఏటీఎం ను శ్రీ గీతా డెయిరీ చైర్మన్ లక్ష్మీనరసింహగుప్తా ఏర్పాటు చేశారు. హైదరాబాద్ ఎల్బీనగర్‌ పరిధిలో ఉన్న హస్తినాపురం డివిజన్‌ హనుమాన్‌నగర్‌ చౌరస్తాలో పాల సరఫరా ఏటీఎం కేంద్రం శుక్రవారం అందుబాటులోకి వచ్చింది. ఈ సదుపాయంతో ఆ ప్రాంత ప్రజలు ఉదయం 5 గంటల నుంచి రాత్రి 10 గంటల వరకు ఎప్పుడు కావాలంటే అప్పుడు, ఎన్ని పాలు కావాలంటే అన్ని పాలను తీసుకెళ్లే అవకాశం ఉంటుంది. ఈ ఏటీఎంను వినియోగించాలనుకున్నవాళ్లు అవసరాల మేరకు అక్కడ ఉండే బటన్ నొక్కాల్సి ఉంటుంది. ఏటీఎం మిషన్‌లో లీటర్‌, అర లీటర్‌, పావు లీటర్‌ బటన్ ఏర్పాటు చేశారు. మనకు ఎన్నిపాలు కావాలంటే అన్నిపాలు బటన్ నొక్కగానే ఆ మేరకు ఒక పాత్రలోకి వస్తాయి.

Read More:తెలంగాణ ప్రజలకు శుభాకాంక్షలు తెలిపిన చిరంజీవి

ఇలా యంత్రం నుంచి బయటకి వచ్చిన పాలను ఇళ్లకు తీసుకెళ్లేందుకు వీలుగా మనం బాటిల్ లేదా డబ్బాను తీసుకెళ్లాల్సి ఉంటుంది. అయితే డబ్బులను మాత్రం అక్కడ ఉండే స్టాఫ్‌కు ఇవ్వాల్సి ఉంటుంది. మార్కెట్‌ ధరల ప్రకారమే మిల్క్ ఏటీఎంల వద్ద పాల రేట్లు ఉన్నాయని నిర్వాహకులు తెలిపారు. ఈ మిల్క్ ఏటీఎం రాష్ట్రంలోనే మొదటిదన్నారు. నిత్యం ఉదయం 5 గంటల నుంచి రాత్రి 10 గంటల వరకు మిల్క్ ఏటీఎం సేవలు అందుబాటులో ఉంటాయన్నారు.



Source link

Leave a Reply

Your email address will not be published. Required fields are marked *