Mithali Raj: కరోనా ఫైట్.. తెలంగాణ గవర్నర్‌తో కలిసి మిథాలీ రాజ్ నిత్యావసర వస్తువుల పంపిణీ – indian women cricketer mithali raj, telangana governor distribute essential groceries to needy workers


ప్రమాదకర కరోనా వైరస్ విస్తరణ కారణంగా దేశవ్యాప్తంగా లాక్‌డౌన్ పాటిస్తున్న సంగ‌తి తెలిసిందే. దేశంలో ఈనెల 17 వ‌ర‌కు లాక్‌డౌన్ అమ‌ల్లో ఉండ‌నుంది. లాక్‌డౌన్‌తో తిన‌డానికి తిండిలేక‌, చేయ‌డానికి ప‌నిలేక చాలామంది నిరుపేద‌లు, వ‌ల‌స కూలీలు అవ‌స్థ‌లు ప‌డుతున్న సంగ‌తి తెలిసిందే. తాజాగా ఇలాంటి నిరుపేద‌ కార్మికులకు సాయం చేసేందుకు భార‌త మ‌హిళా జ‌ట్టు వ‌న్డే కెప్టెన్ మిథాలీ రాజ్ ముందుకొచ్చింది. బుధ‌వారం తెలంగాణ రాజధాని హైద‌రాబాద్‌లోని రాజ్‌భ‌వ‌న్‌లో నిరుపేద‌ల‌కు నిత్యావ‌స‌రాలు పంపిణీ చేసింది.
తెలంగాణ గ‌వ‌ర్న‌ర్ త‌మిళిసై సౌంద‌ర‌రాజ‌న్‌తో క‌లిసి మిథాలీ రాజ్‌.. రాజ్‌భ‌వ‌న్‌లో ప‌నిచేసే తోట‌మాలీలు, శానిటేష‌న్ సిబ్బంది, కార్మికుల‌కు నిత్యావ‌స‌రాలు పంపిణీ చేసింది. ఈ మేర‌కు త‌న అధికారిక ట్విట‌ర్ ఖాతా నుంచి త‌మిళిసై ట్వీట్ చేశారు. ఈ కార్య‌క్ర‌మంలో త‌మ‌కు క‌రోనా మ‌హమ్మారి టాస్క్‌ఫోర్స్ సహ‌క‌రించింద‌ని తెలిపారు. మరోవైపు క‌రోనా వైర‌స్ కార‌ణంగా దేశ‌వ్యాప్తంగా 78 వేల‌కుపైగా క‌రోనా పాజిటివ్ కేసులు వెలుగు చూడ‌గా.. 2550 మందికిపైగా మ‌ర‌ణించారు.



Source link

Leave a Reply

Your email address will not be published. Required fields are marked *