mla rajanna dora: Ap Power Bills: వైసీపీ ఎమ్మెల్యేకు కరెంట్ బిల్ ‘షాక్’ – ysrcp salur mla rajanna dora questions electricity department employees on his house bills


ఏపీలో కరెంట్ బిల్లులు జనాలకు షాకిస్తున్నాయి. బిల్లులు ఎక్కువగా వస్తున్నాయని జనాల నుంచి విమర్శలు వినిపిస్తున్నాయి. ప్రభుత్వం మాత్రం అదంతా అపోహలేనని.. టారిఫ్ ప్రకారమే బిల్లులు జారీ చేస్తున్నామంటోంది. అయితే ఈ కరెంట్ బిల్ షాక్ వైఎస్సార్‌సీపీ ఎమ్మెల్యేకు తప్పలేదట. విజయనగరం జిల్లా సాలూరు ఎమ్మెల్యే రాజన్న దొర ఇంటికి కూడా కరెంట్ బిల్లు ఎక్కువగా వచ్చిందట. తన ఇంటికి వచ్చిన సిబ్బందిపై ప్రశ్నల వర్షం కురిపించారు. తాను కొత్తగా నిర్మించిన ఇంటికి ప్రతి నెలా బిల్లు చెల్లిస్తున్నాని.. కరోనా కారణంగా పనులు నిలిపివేసినా బిల్లు గతం కంటే ఎక్కువగా వచ్చిందన్నారు. అధికారులు సర్థిచెప్పే ప్రయత్నం చేయగా.. ఎమ్మెల్యే మాత్రం తన అసంతృప్తిని వ్యక్తం చేశారట.

మార్చి నెలలో గతేడాది టారిఫ్ ప్రకారం తీస్తున్నారని.. ఏప్రిల్‌ నెల బిల్లులను డైనమిక్‌ విధానం ద్వారా తీస్తున్నారన్నారు. ఈ డైనమిక్‌ విధానం ప్రకారం ఎంత విద్యుత్‌ను వినియోగించుకున్నారో అంతే బిల్లు వస్తుందన్నారు. స్లాబ్‌ విధానం కంటే డైనమిక్‌ విధానంతో ప్రజలకు లాభమన్నారు. నిబంధనల ప్రకారమే రీడింగ్ తీసుకుని బిల్లులు జారీ చేస్తున్నామంటున్నారు.

రాష్ట్రవ్యాప్తంగా కరెంట్ బిల్లులు పారదర్శకంగా తీశారని.. లాక్‌డౌన్‌ వల్ల విద్యుత్‌ వినియోగం అధికంగా పెరిగిందంటున్నారు. జూన్‌ 30 వరకుఎలాంటి అదనపు చార్జీలు లేకుండా బిల్లులు చెల్లించవచ్చని చెబుతున్నారు. సందేహాల కోసం ప్రత్యేక కాల్ సెంటర్ అందుబాటులో ఉంచామని.. ఎవరికైనా అనుమానాలు ఉంటే ఫోన్ చేసి క్లారిటీ తీసుకొవచ్చన్నారు. రాష్ట్రవ్యాప్తంగా కరెంట్ బిల్లులు ఎక్కువగా వస్తున్నాయంటూ ఆరోపణలు వినిపిస్తున్నాయి. ప్రతిపక్ష పార్టీలు కూడా ప్రభుత్వ తీరును తప్పబట్టాయి.



Source link

Leave a Reply

Your email address will not be published. Required fields are marked *