modi nirmala meet : ప్రధాని మోదీతో ఆర్థిక మంత్రి నిర్మల అత్యవసర భేటీ – finance minister nirmala sitharaman met prime minister narendra modi


కరోనా వైరస్ భారత్‌లో విజృంభిస్తున్న వేళ కేంద్రం ప్రభుత్వం కీలకంగా వ్యవహరిస్తోంది. పరిస్థితిని బట్టి సంచలన నిర్ణయాలు తీసుకుంటూ ముందుకు పోతుంది. తాజాగా కరోనా వైరస్ పెరుగుతున్న నేపథ్యంలో కేంద్రం లాక్ డౌన్‌ను మరో 19 రోజులకు పెంచుతూ నిర్ణయం తీసుకున్న విషయం తెలిసిందే. మరోవైపు కరోనా వైరస్ పై ఇటీవల మంత్రులతో కూడా మోదీ కేబినెట్ సమావేశం నిర్వహించారు. ప్రస్తుతమున్న పరిస్థితులపై చర్చించారు. తాజాగా కేంద్ర ఆర్థిక మంత్రి నిర్మలా సీతారామన్….. ప్రధాని నరేంద్ర మోదీని కలిశారు. ఏప్రిల్ 20 తర్వాత కొన్ని రకాల కార్యకలాపాలకు మినహాయింపు ఇచ్చేందుకు కేంద్రం సిద్ధమైంది. ఆ విషయంలో ప్రధానితో చర్చించేందుకు నిర్మలా సీతారామన్ సమావేశం అయినట్లు తెలస్తోంది. రాష్ట్రాల పరిధిలో అన్ని రకాల వస్తువుల ఉత్పత్తిని అనుమతించాలని వీరు నిర్ణయం తీసుకున్నట్టు సమాచారం.


భారత ఆర్థిక వ్యవస్థకు ఉద్దీపనగా గత నెలలో కేంద్రం ప్రకటించిన ప్యాకేజీలో భాగంగా నిధుల వినియోగంపైనా మోదీ, నిర్మల మధ్య చర్చలు జరిగినట్టు తెలుస్తోంది. ప్రధాన మంత్రి గరీబ్ కల్యాణ్ ప్యాకేజీలో భాగంగా ప్రకటించిన 1.75 లక్షల కోట్ల రూపాయలను సక్రమంగా వినియోగించాలని ఈ సందర్భంగా మోదీ ఆదేశించారు. ఈ నిధులతో పేదలకు కావాల్సిన ఆహార ధాన్యాలు, నిత్యావసరాలు, వంట గ్యాస్ తదితరాలను మూడు నెలల పాటు సమకూర్చాలని సూచించారు.

భారత్‌లో కరోనా కేసుల సంఖ్య రోజురోజుకు పెరిగిపోతుంది. లాక్ డౌన్ విధించడంతో ఆర్థిక వృద్ధి పాతాళానికి పడిపోయిన నేపథ్యంలో, లాక్ డౌన్ కారణంగా దేశంలో నెలకొన్న ఆర్థిక అత్యయిక పరిస్థితి, దాన్నుంచి బయటపడేందుకు తీసుకోవాల్సిన చర్యలపై కూడా మోదీ, ఆర్థిక మంత్రి నిర్మలా సీతారామన్ చర్చించారు. ఈ నేపథ్యంలో లాక్ డౌన్ నిబంధనలను సడలిస్తూ, ఈ నెల 20 తరువాత గ్రామీణ ప్రాంతాల్లోని కొన్ని రకాల ఫ్యాక్టరీలను తెరపించుకునేందుకు ఐటీ, ఈ-కామర్స్ రంగాల్లో కార్యకలాపాలు జరిపేందుకు, రైతుల వ్యవసాయానికి అనుమతులు ఇవ్వాలని భావిస్తున్నట్టు కేంద్రం బుధవారం ప్రకటించిన సంగతి తెలిసిందే.ప





Source link

Leave a Reply

Your email address will not be published. Required fields are marked *