Mohammed Shami: ఆ కారణాలతో మూడుసార్లు ఆత్మ‌హ‌త్య చేసుకోవాల‌నుకున్నా: ష‌మీ – indian pacer mohammed shami says that he thought of suicide 3 times due to severe stress


భార‌త‌పేస‌ర్ మ‌హ్మ‌ద్ ష‌మీ తాజాగా షాకింగ్ విష‌యాల‌ను బ‌య‌ట‌పెట్టాడు. ఒక‌నొక‌ద‌శ‌లో ఏకంగా మూడుసార్లు ఆత్మ‌హ‌త్య చేసుకోవాల‌ని భావించిన‌ట్లు తెలిపాడు. భార‌త క్రికెట‌ర్ రోహిత్ శ‌ర్మ‌తో సోష‌ల్ మీడియాలో చిట్‌చాట్ సంద‌ర్భంగా ప‌లు విష‌యాల‌ను పంచుకున్నాడు. ప‌ర్స‌నల్‌, ప్రొఫెష‌నల్ స‌మ‌స్య‌లు, ఒత్తిడి వ‌ల్ల తాను మూడుసార్లు ఆత్మ‌హత్య చేసుకోవాల‌ని భావించిన‌ట్లు తెలిపాడు. అయితే త‌న కుటుంబం అంతా స‌పోర్టుగా నిల‌వ‌డంతో ఆ నిర్ణ‌యాన్ని విర‌మించుకుని కెరీర్‌పై దృష్టి సారించిన‌ట్లు తెలిపాడు.


2015 వ‌న్డే ప్ర‌పంచ‌క‌ప్ సంద‌ర్భంగా ష‌మీ గాయ‌ప‌డ్డాడు. అనంత‌రం క‌ఠోర‌మైన సాధ‌న అనంత‌రం మ‌ళ్లీ తిరిగి జ‌ట్టులోకి పున‌రాగ‌మ‌నం చేశాడు. మ‌రోసారి ఐపీఎల్ ముంద‌ర రోడ్డుప్ర‌మాదానికి గుర‌య్యాడు. అనంత‌రం త‌న భార్య హ‌సీన్ జ‌హాన్‌.. ష‌మీపై గృహ హింస కేసు పెట్ట‌డంతో మాన‌సికంగా డిస్ట‌ర్బ్ అయ్యాడు.


ఇలా వివిధ కారణాలతో మూడుసార్లు ఆత్మ‌హ‌త్య చేసుకోవాల‌ని అనుకున్న‌ట్లు ష‌మీ తెలిపాడు. తను ఉండే అపార్ట్‌మెంట్‌లో 24 అంత‌స్థులు ఉండేద‌ని, తానెప్పుడైనా అక్కడి నుంచి దూకుతానేమోన‌ని ఇంట్లోవాళ్లు తెగ ఆందోళ‌న ప‌డేవార‌ని తెలిపాడు. కుటుంబం ఎప్పుడు తనపై ఒక క‌న్నేసి ఉండేద‌ని పేర్కొన్నాడు. వాళ్లు లేకుంటే త‌న క్రికెట్ కెరీర్ ఎప్పుడో అంత‌మై ఉండేద‌ని పేర్కొన్నాడు. పునరాగమనం తర్వాత ఆస్ట్రేలియా సిరీస్‌కు ఎంపికైన త‌ర్వాత వెనుదిరిగి చూసుకోలేదు. ఆ సిరీస్‌లో స‌త్తాచాటి టీమిండియాలో త‌న ప్లేస్‌ను సుస్థిరం చేసుకున్నాడు. గ‌తేడాది వ‌న్డే ప్ర‌పంచ‌క‌ప్‌లో అద్భుతంగా రాణించాడు. నాలుగు మ్యాచ్‌ల్లోనే 14 వికెట్లు తీశాడు. ఇందులో ఒక హ్యాట్రిక్ కూడా ఉండ‌టం విశేషం. మ‌రోవైపు గ‌తేడాది టెస్టుల్లో భారత్ తరపున లీడింగ్ వికెట్ టేక‌ర్‌గా నిలిచాడు. ఎనిమిది టెస్టుల్లోనే 33 వికెట్లు తీశాడు.



Source link

Leave a Reply

Your email address will not be published. Required fields are marked *