Money Returns: Cyber Crime: అబ్బో!! మామూలు సుడి కాదు.. పోయిన డబ్బులు తిరిగొచ్చాయ్.. ఎలాగంటే.! – surprising! here is how a man gets money back from cyber fraudsters in vizianagaram


సైబర్ నేరగాళ్ల చేతికి చిక్కిన ఎవరైనా డబ్బులు పోగొట్టుకుని లబోదిబోమనాల్సిందే. ఒకసారి డబ్బు పోయిందంటే అది తిరిగిరావడం జరగని పనే. కానీ అతను మామూలు సుడిగాడు కాదు. సైబర్ నేరగాళ్లకే షాకిచ్చేంత సుడిగాడు. ఒకసారి సైబర్ క్రిమినల్స్ ఖాతాకు వెళ్లిన డబ్బులు కూడా తిరిగివచ్చాయంటే మనోడి సంగతి అర్థం చేసుకోవచ్చు. మొత్తం తిరిగిరాకపోయినా పెద్దమొత్తమే తిరిగి రావడంతో చావుతప్పి కన్నులొట్టపోయినంత పనైంది. ఈ ఘటన విజయనగరం జిల్లాలో వెలుగుచూసింది.

కొత్తవలస మండలం తుమ్మికాపల్లి గ్రామానికి చెందిన పూడి భాస్కరరావు గూగుల్ పే ద్వారా రూ.1500 కరెంట్ బిల్ కట్టాడు. అయితే బిల్లు చెల్లించినట్లు మెసేజ్ రాకపోవడంతో కస్టమర్ కేర్‌ని సంప్రదించాడు. అనంతరం కొద్దిసేపటికి కస్టమర్‌కేర్ పేరుతో భాస్కర రావుకి ఫోన్ వచ్చింది. అవతలి వ్యక్తి అకౌంట్‌కి సంబంధించిన యూపీఐ నంబర్ ఎంటర్ చేయాలని చెప్పడంతో అలానే చేశాడు.

అంతే.. వెంటవెంటనే నాలుగుసార్లు 50 వేల చొప్పున అకౌంట్ నుంచి.. పేటీఎం నుంచి రూ.1500, పది వేలు కట్ అయినట్లు భాస్కర్‌ రావుకి మెసేజ్ వచ్చింది. మొత్తం రెండు లక్షల రూపాయలకు పైగా నగదు కట్ అవడంతో ఆయన వెంటనే బ్యాంక్‌కి వెళ్లి ఆరా తీశాడు. సైబర్ నేరగాళ్లు నగదు డ్రా చేసినట్లు బ్యాంక్ అధికారులు చెప్పడంతో కంగుతిన్నాడు. వెంటనే అకౌంట్ బ్లాక్ చేయించాడు.

Also Read: ఎస్సై చెంప‌ పగలగొట్టిన మహిళ.. సోషల్ మీడియాలో వైరల్

ఇంతలోనే తిరిగి బ్యాంక్ అకౌంట్‌లో మూడుసార్లు 50 వేల చొప్పున తిరిగి డిపాజిట్ అయినట్లు మెసేజ్ వచ్చింది. ఒక 50 వేలు, మరో 1500, పది వేలు మాత్రం తిరిగి రాలేదు. ఎందుకిలా జరిగిందని బ్యాంకర్లు ఆరా తీస్తే ఆసక్తికరమైన విషయం తేలింది. సైబర్ నేరగాళ్లు అకౌంట్ నుంచి నగదు ట్రాన్స్‌ఫర్ చేసుకునేందుకు యత్నించిన సమయంలో ఇంటర్నెట్ పనిచేయకపోవడంతో నగదు తిరిగి అకౌంట్‌లో జమ అయినట్లు బ్యాంక్ అధికారులు తెలిపారు. రెండు లక్షలు పోయాయనుకుంటున్న సమయంలో సుమారు లక్షా యాభై వేలు తిరిగిరావడంతో ఊపిరిపీల్చుకున్నాడు.

Read Also: ఉద్యోగాల పేరుతో వల.. బలవంతంగా వ్యభిచారం.. హైదరాబాద్‌ సెక్స్‌రాకెట్ గుట్టురట్టు



Source link

Leave a Reply

Your email address will not be published. Required fields are marked *