monkey takes corona sample: హతవిధీ: కరోనా శాంపిల్స్ ఎత్తుకెళ్లిన కోతి.. స్థానికుల్లో వణుకు! – monkeys run away with coronavirus test samples in meerut, locals fear spread of infection


మంకీలున్నాయే..! అసలే, కరోనా మహమ్మారితో జనం భయపడి చస్తుంటే.. మీరట్‌లో కోతుల గుంపు చేసిన పని మరింత కలవరానికి కారణమైంది. కరోనా అనుమానితుల నమూనాలు ఉన్న కిట్లను ఎత్తుకెళ్లడమే అందుక్కారణం. అనుమానితుల నుంచి సేకరించిన నమూనాలను ఓ ల్యాబ్ టెక్నీషియన్ మీరట్ మెడికల్ కాలేజీ ఆస్పత్రికి తరలిస్తుండగా.. కాలేజీ ప్రాంగణంలో కోతుల గుంపు అతడిపై దాడి చేసింది. అతడి చేతిలో నుంచి కరోనా శాంపిల్స్‌ను ఓ కోతి ఎత్తుకెళ్లింది.

మీర‌ట్‌ మెడికల్‌ కాలేజీలో ముగ్గురు కొవిడ్-19 అనుమానితుల‌కు వైద్యులు క‌రోనా ప‌రీక్షలు నిర్వహించారు. వారి నుంచి సేకరించిన నమూనాలను ప‌రీక్షించేందుకు శుక్రవారం (మే 29) ఓ ల్యాబ్ టెక్నీషియ‌న్ ఆ కిట్లను మోసుకువెళుతుండ‌గా కోతులు అత‌డిపై మూకుమ్మడిగా దాడి చేశాయి. ఏ ఆట బొమ్మో, అర‌టి పండో అనుకున్నాయేమో.. ఆ క‌రోనా శాంపిల్స్‌ను ఎత్తుకెళ్లాయి.

Must Read:కరోనా భయం: గర్భిణీని అనుమతించని అపార్ట్‌మెంట్‌వాసులు.. కడుపులోనే బిడ్డ మృతి

సదరు కరోనా అనుమానితుల నుంచి వైద్యులు మ‌రోసారి నమూనాల‌ను సేక‌రించి ల్యాబ్‌కు పంపించారు. ఇక కంగారెందుకూ? అంటారా.. అసలు కథ ఇక్కడే ఉంది మరి! అసలే కోతులు.. కరోనా శాంపిల్స్ ఎత్తుకెళ్లిన తర్వాత కుదురుగా ఉంటాయా? కోతుల గుంపులోని ఓ వానరం అక్కడికి సమీపంలో ఉన్న ఓ చెట్టుపై కూర్చొని కరోనా శాంపిల్ ఉన్న కిట్‌ను కరాకరా నమిలేసింది. ఇతర కోతులు మరో రెండు శాంపిల్స్‌ను చేత పట్టుకొని సమీపంలోని చెట్లు, ఇళ్లపై దుంకుతున్నాయి. దీంతో స్థానికుల గుండెల్లో రైళ్లు పరుగెడుతున్నాయి.

samayam telugu

ఆ టెస్టింగ్ కిట్లలో క‌రోనా వైర‌స్‌ ఉండొచ్చేమోన‌ని, ఆ వానరాలు వాటిని ఎక్కడ త‌మ ఇళ్లపై పడేస్తాయోమేన‌ని పరిసర ప్రాంత ప్రజలు భయంతో చస్తున్నారు. వారి భయానికి మరో కారణం కూడా ఉంది. కరోనా కిట్‌ను నమిలేసిన కోతికి వైరస్ సోకితే.. అది కాస్త వానరాల గుంపునకు కూడా అంటుకుంటే ఆ తర్వాత తమ పరిస్థితి ఏంటని మరి కొంత మంది ఆందోళన. న్యూయార్క్‌లో ఇప్పటికే పులులు, సింహాలు, రెండు పెంపుడు పిల్లులకు కరోనా సోకిన వార్తల నేపథ్యంలో స్థానికులు కంగారు పడుతున్నారు.

అయితే.. ఇప్పటివరకు మనుషుల నుంచి జంతువులకు కరోనా సోకిన దాఖలాలు ఉన్నాయి గానీ, జంతువుల నుంచి మనుషులకు ఆ వైరస్ వ్యాప్తి చెందిన ఆధారాలేవీ లేవని నిపుణులు చెబుతున్నారు. కానీ, కర్మ కాలితే ఏదైనా జరగొచ్చుగా.. డెస్టినీ..! ఎవరికి ఎలా రాసిపెట్టుందో మరి.. పైగా ఇప్పుడది విచిత్రంగా కోతి చేతిలో ఉంది! రెండోసారి సేకరించిన ఆ మూడు నమూనాల్లో కరోనా నెగటివ్ అని తేలేంత వరకూ మీరట్ వాసులకు నిద్ర కరువే!

Also Read:ట్రెయిన్ టాయిలెట్‌లో వలస కూలీ మృతదేహం.. 5 రోజుల తర్వాత వెలుగులోకి

Don’t Miss:రైతుల కోసం త్వరలో కొత్త పథకం.. దేశమే ఆశ్చర్యపోతుంది: కేసీఆర్



Source link

Leave a Reply

Your email address will not be published. Required fields are marked *