monsoon: చల్లని కబురు: జూన్ 1న కేరళ తీరానికి రుతుపవనాలు – monsoon likely to hit kerala coast by june 1


మండే ఎండలతో ఠారెత్తిపోతున్న వేళ వాతావరణ శాఖ చల్లని కబురు అందించింది. జూన్‌ 1న నైరుతి రుతుపవనాలు కేరళ తీరాన్ని తాకుతాయని తెలిపింది. నైరుతి రుతుపవనాలు చురుగ్గా కదులుతున్నాయని.. 24 గంటల్లో దేశంలోకి ప్రవేశించనున్నాయని గురువారం (మే 28) వెల్లడించింది. దక్షిణ బంగాళాఖాతం, దాన్ని ఆనుకుని ఉన్న బంగాళాఖాతం మధ్య ప్రాంతాలకు రుతుపవనాలు విస్తరిస్తున్నాయని అటు విశాఖ వాతావరణ కేంద్రం తెలిపింది.

మరోవైపు.. ఛత్తీస్‌గఢ్‌ మీదుగా ఏర్పడిన ఉపరితల ద్రోణి కారణంగా తెలుగు రాష్ట్రాల్లో గురువారం ఉష్ణోగ్రతలు స్వల్పంగా తగ్గాయని వాతావరణం కేంద్రం తెలిపింది. తెలంగాణ, రాయలసీమ మీదుగా తమిళనాడు మధ్య ప్రాంతం వరకు విస్తరించిన ఉపరితల ద్రోణి ప్రభావంతో దక్షిణ కోస్తా, రాయలసీమల్లో ఒకటి రెండు చోట్ల తేలికపాటి వర్షాలు కూడా కురిసినట్లు వెల్లడించింది.

అరేబియా సముద్రంలో అల్పపీడన ద్రోణి ఏర్పడే అవకాశం ఉందని, సముద్రంలో వేటకు వెళ్లే మత్స్యకారులు జాగ్రత్తగా ఉండాలని భారత వాతావరణ కేంద్రం (ఐఎండీ) తెలిపింది. రానున్న రెండు రోజుల్లో ఉష్ణోగ్రతలు 3 నుంచి 4 డిగ్రీల వరకు తగ్గుతాయని తెలిపింది. ఈశాన్య రాష్ట్రాల్లో భారీ వర్షాలు కురిసే అవకాశం ఉందని పేర్కొంది.

మరో 3 రోజులు వడగాలులు..
ఉష్ణోగ్రతలు కాస్త తగ్గుముఖం పట్టినా.. వచ్చే మూడు రోజులపాటు వడగాలులు వీస్తాయని.. వాతావరణ కేంద్రం తెలిపింది. అత్యవసరమైతే తప్ప ప్రజలు ఉదయం 11 నుంచి సాయంత్రం 4 గంటల వరకు బయటికి రావొద్దని హెచ్చరించింది.



Source link

Leave a Reply

Your email address will not be published. Required fields are marked *