Mopidevi Venkataramana: ఆ 4 వేల మంది క్వారంటైన్ పూర్తయ్యాకే ఇళ్లకు.. మంత్రి ప్రకటన – ap minister mopidevi venkataramana says that government take care of fishermen who come from gujarat


లాక్ డౌన్ కారణంగా గుజరాత్‌లో చిక్కుకుపోయిన ఏపీ మత్స్యకారులు గురువారం సాయంత్రానికి సొంత జిల్లాలకు చేరుతారని రాష్ట్ర మత్స్యశాఖ మంత్రి మోపిదేవి వెంకటరమణ వెల్లడించారు. ఈ మేరకు బుధవారం మంత్రి మోపిదేవి మీడియాతో మాట్లాడుతూ.. వివిధ జిల్లాలకు చెందిన దాదాపు 4 వేల మంది మత్స్యకారులు 65 బస్సుల్లో మంగళవారం రాత్రి గుజరాత్ నుంచి బయల్దేరినట్లు తెలిపారు. వీరిలో 2,852 మంది శ్రీకాకుళం జిల్లా నుంచి ఉండగా, మిగిలిన వారంతా విజయనగరం, విశాఖపట్నం, ఉభయగోదావరి జిల్లాలు, కృష్ణా జిల్లాల వారున్నారని మంత్రి వివరించారు.

వీరందరినీ ముందు క్వారంటైన్ కేంద్రాలకు తరలించి వైద్య పరీక్షల అనంతరం కరోనా లక్షణాలు లేవని నిర్ధారించుకున్నాకే స్వస్థలాలకు పంపుతామని మంత్రి మోపిదేవి వెంకటరమణ స్పష్టం చేశారు. ఈ మేరకు చర్యలు తీసుకోవాలని ఆయా జిల్లాల అధికారులను ఆదేశించినట్లు వెల్లడించారు. మత్స్యకారుల కుటుంబ సభ్యులు ఎవరూ ఆందోళన చెందొద్దని, వారందరినీ ప్రభుత్వమే సొంత గ్రామాలను తీసుకొస్తుందని భరోసా ఇచ్చారు.

మత్స్యకారుల గురించి సీఎం జగన్‌ జగన్‌ ఇప్పటికే కేంద్ర హోంమంత్రి అమిత్‌ షా, గుజరాత్‌ సీఎంలతో మాట్లాడారని, వారి అనుమతితో అందరినీ రాష్ట్రానికి తీసుకొచ్చే ఏర్పాట్లు చేశామని మంత్రి మోపిదేవి చెప్పారు. వారిని సొంత గ్రామాలను చేర్చేందుకు ప్రభుత్వమే అన్ని ఖర్చులు భరిస్తుందని స్పష్టం చేశారు. దీని కోసం సీఎం జగన్‌ ఇప్పటికే రూ. 3 కోట్లు విడుదల చేశారని గుర్తు చేశారు.



Source link

Leave a Reply

Your email address will not be published. Required fields are marked *