mother son death in karimnagar: కరీంనగర్: వాగులో పడి తల్లీ కొడుకు మృతి – mother and son fell into a canal and dies in karimnagar


కరీంనగర్ సమీపంలోని మానేర్ వాగులో ప్రమాదవశాత్తు పడి తల్లి, కొడుకు మృతి చెందారు. మృతులు కాశ్మీర్ గడ్డకు చెందిన మహిళ సకీనా ఆమె మూడేళ్ళ కుమారుడు అహిల్ గా గుర్తించారు. కుటుంబంతో కలిసి సదాశివపల్లి వద్ద గల దర్గాకు వెళ్లి తీగల వంతెనవద్ద మానేరు వాగు లోకి దిగారు. వరద ప్రవాహం ఎక్కువగా ఉండడంతో తల్లి కొడుకు గల్లంతయ్యారు. వెంటనే పోలీసులకు సమాచారం ఇవ్వడంతో ఎల్ఎండీ గేట్లు మూసివేశారు. కుటుంబ సభ్యులతో పాటు స్థానికులు అప్రమత్తమై గాలించగా అప్పటికే తల్లి మృతి చెందింది.

ప్రాణాపాయ స్థితిలో ఉన్న కొడుకును పోలీసులు రెస్క్యూ ఆపరేషన్ చేసి ఆస్పత్రికి తరలించారు. ఆస్పత్రిలో చికిత్స పొందుతూ బాలుడు సైతం ప్రాణాలు కోల్పోయాడు. వరద నీటిలో కొద్ది దూరం కొట్టుకు పోయిన వారిని రెస్క్యూ ఆపరేషన్తో పోలీసులు బయటికి తీసి బాలుడిని హుటాహుటిన ఆస్పత్రికి తరలించినా ప్రాణాలు దక్కలేదు. కుటుంబ సభ్యుల కళ్ళ ముందే ఇద్దరు వాగులోపడి ప్రాణాలు కోల్పోవడంతో కన్నీరుమున్నీరుగా విలపిస్తున్నారు. విహారయాత్ర దైవదర్శనం విషాదంగా మారడంతో కుటుంబ సభ్యులు బోరున విలపించారు



Source link

Leave a Reply

Your email address will not be published. Required fields are marked *