mp satyavathi: సొంత పార్టీ నేతకు జగన్ షాక్.. వైసీపీ ఎంపీ భర్తపై కేసు నమోదు – anakapalle ysrcp mp satyavathi husband trust booked for holding pds rice


వైఎస్సార్‌సీపీ ఎంపీకి జగన్ సర్కార్ షాకిచ్చింది. విశాఖ జిల్లా అనకాపల్లి ఎంపీ సత్యవతి భర్తపై పోలీసులు కేసు నమోదు చేశారు. విష్ణుమూర్తి ఆధ్వర్యంలో నడుస్తున్న వివేకానంద చారిటబుల్ ట్రస్ట్ ఆధ్వర్యంలో నిర్వహించే ట్రస్ట్ పేదలకు పంచే బియ్యం అనుమతి లేకుండా నిల్వ ఉంచారనే ఆరోపణలు వచ్చాయి. బియ్యం లారీని తమ ఆధీనంలో ఉంచుకున్నారనే ఫిర్యాదు రావడంతో ఈ కేసు ఫైల్ చేశారు. అక్రమంగా లారీని నిల్వ ఉంచినందుకు కాంట్రాక్టర్‌ను బ్లాక్ లిస్టులో పెట్టి.. డీలర్‌ను సస్పెండ్ చేశారు. ఇదిలా ఉంటే ఈ బియ్యం వ్యవహారంతో తన భార్యకు, వివేకానంద ట్రస్టుకు ఎలాంటి సంబంధం లేదని ఎంపీ భర్త విష్ణుమూర్తి అంటున్నారు.

రెండు రోజుల క్రితం ఎంపీ భర్త నడుపుతున్న వివేకానంద చారిటబుల్ ట్రస్ట్ కార్యాలయం దగ్గర రేషన్ బియ్యం లారీ కలకలంరేపింది. అధికారులకు ఫిర్యాదు వెళ్లడంతో.. డిప్యూటీ తహశీల్దార్ విచారణ జరిపారు. అనుమతి లేకుండా బియ్యం బయటకు రావడంతో కేసు నమోదు చేశారు. దీనిపై సమగ్ర విచారణ జరుపుతున్నట్టు జాయింట్ కలెక్టర్ చెబుతున్నారు. అధికార పార్టీ ఎంపీ అయినా కేసు నమోదు చేయడం ఆసక్తికరంగా మారింది. తప్పు ఎవరు చేసినా చర్యలు తప్పవనే సంకేతాలు ఇస్తోంది జగన్ సర్కార్. సొంత పార్టీ నేతలైనా వదిలిపెట్టేది లేదని.. జాగ్రత్తగా ఉండాలని పరోక్షంగా హెచ్చరించినట్లే కనిపిస్తోంది.



Source link

Leave a Reply

Your email address will not be published. Required fields are marked *