ms dhoni: ఐపీఎల్‌లో కెప్టెన్‌గా ధోనీకి చెత్త రికార్డ్..! – ipl history: do you know? who holds record of most defeats as captain


ఐపీఎల్‌లో అత్యంత సక్సెస్‌ఫుల్ కెప్టెన్లలో ఒకడిగా ఉన్న మహేంద్రసింగ్ ధోనీ.. గత కొన్ని సీజన్లుగా ఓ చెత్త రికార్డ్‌ని కొనసాగిస్తున్నాడు. 2008 నుంచి ఐపీఎల్ జరుగుతుండగా.. ఇప్పటి వరకూ 12 సీజన్లు ముగిశాయి. ఈ ఏడాది మార్చి 29 నుంచి ప్రారంభంకావాల్సిన ఐపీఎల్ 2020 సీజన్.. కరోనా వైరస్ కారణంగా నిరవధికంగా వాయిదాపడిన విషయం తెలిసిందే.

Read More: నో ఐపీఎల్ టైటిల్..! విరాట్ కోహ్లీని ట్రోల్ చేసిన వార్నర్

ఐపీఎల్‌లో ఆడిన ప్రతి సీజన్‌లోనూ చెన్నై సూపర్ కింగ్స్‌ని కెప్టెన్‌గా కనీసం ప్లేఆఫ్‌కి చేర్చిన మహేంద్రసింగ్ ధోనీ.. మూడు సార్లు టైటిల్ విజేతగా నిలిపాడు. కానీ.. టోర్నీ చరిత్రలో అత్యధిక ఓటములు చవిచూసిన కెప్టెన్‌గా కూడా ధోనీనే ఫస్ట్‌ ఉన్నాడు. ఇప్పటి వరకూ 179 ఐపీఎల్ మ్యాచ్‌లకి కెప్టెన్‌గా వ్యవహరించిన ధోనీ 60 శాతం మ్యాచ్‌ల్ని గెలిపించాడు. కానీ.. 69 మ్యాచ్‌ల్లో మాత్రం అతని సారథ్యంలో టీమ్ ఓడిపోయింది.

ఐపీఎల్‌లో అత్యధిక ఓటములు చవిచూసిన కెప్టెన్ల జాబితాని ఓసారి పరిశీలిస్తే..? మహేంద్రసింగ్ ధోనీ 69 పరాజయాలతో అగ్రస్థానంలో ఉండగా.. గౌతమ్ గంభీర్ (57 ఓటములు), విరాట్ కోహ్లీ (55), రోహిత్ శర్మ (42), ఆడమ్ గిల్‌క్రిస్ట్ (39) టాప్-5లో కొనసాగుతున్నారు.

Read More: ఐపీఎల్‌లో RCB టీమ్‌ని వీడే ప్రస్తక్తే లేదు: విరాట్ కోహ్లీ

కోల్‌కతా నైట్‌రైడర్స్, ఢిల్లీ క్యాపిటల్స్ టీమ్స్‌కి గౌతమ్ గంభీర్‌ కెప్టెన్‌గా వ్యవహరించగా.. రోహిత్ శర్మ ముంబయి ఇండియన్స్ టీమ్‌కి సారథ్యం వహిస్తున్న విషయం తెలిసిందే. ఇక ఆడమ్ గిల్‌క్రిస్ట్ కింగ్స్ ఎలెవన్ పంజాబ్ టీమ్‌కి కెప్టెన్‌గా పనిచేశాడు. కోల్‌కతాకి గంభీర్ రెండు టైటిల్స్ అందించగా.. ముంబయి టీమ్‌ని రోహిత్ శర్మ ఏకంగా నాలుగు సార్లు టోర్నీ విజేతగా నిలిపాడు. కానీ.. బెంగళూరు టీమ్‌కి కోహ్లీ, పంజాబ్ టీమ్‌కి గిల్‌క్రిస్ కనీసం ఒక్క టైటిల్‌ని కూడా అందించలేకపోయారు.



Source link

Leave a Reply

Your email address will not be published. Required fields are marked *