ms dhoni: ఐపీఎల్ 2021 సీజన్‌కి CSK కెప్టెన్సీ మార్పుపై సీఈవో క్లారిటీ – chennai super kings ceo hopeful of ms dhoni leading the franchise in 2021


ఐపీఎల్ 2020 సీజన్‌‌లో చెన్నై సూపర్ కింగ్స్ అంచనాల్ని అందుకోవడంలో చతికిలపడింది. టోర్నీలో ఆడిన ప్రతి సీజన్‌లోనూ ప్లేఆఫ్‌కి చేరిన ఆ జట్టు.. తాజా సీజన్‌లో మాత్రం ఇప్పటి వరకూ 12 మ్యాచ్‌లాడి కేవలం నాల్గింటిలో మాత్రమే విజయం సాధించింది. దాంతో.. పాయింట్ల పట్టికలో చిట్టచివరి స్థానానికి పరిమితమైన చెన్నై టీమ్.. రెండు మ్యాచ్‌లు మిగిలి ఉండగానే ప్లేఆఫ్ రేసు నుంచి అధికారికంగా నిష్క్రమించింది. తుది జట్టు ఎంపిక నుంచి సీనియర్ ఆటగాళ్ల ప్రదర్శన వరకూ పెద్ద ఎత్తున విమర్శలు వినిపిస్తుండటంతో.. ఐపీఎల్ 2021 సీజన్‌కి చెన్నై టీమ్‌లో సమూల మార్పులు చేయబోతున్నారనే ప్రచారం ఊపందుకుంది. ఈ క్రమంలో ధోనీని కూడా కెప్టెన్సీ నుంచి తప్పిస్తున్నారని వార్తలు వచ్చాయి. కానీ.. తమకి అలాంటి ఆలోచనే లేదని చెన్నై సూపర్ కింగ్స్ సీఈవో కాశీ విశ్వనాథన్ తాజాగా స్పష్టం చేశారు.

‘‘ఐపీఎల్ 2021 సీజన్‌లో చెన్నై సూపర్ కింగ్స్‌ని కెప్టెన్‌గా ధోనీ నడిపిస్తాడని మాకు నమ్మకం ఉంది. చెన్నైకి అతను మూడు ఐపీఎల్ టైటిల్స్‌ని అందించాడు. అయితే.. టోర్నీలో తొలిసారి చెన్నై ప్లేఆఫ్‌కి అర్హత సాధించలేకపోయింది. ఐపీఎల్‌లో ఏ జట్టు కూడా ఆడిన ప్రతి సీజన్‌లోనూ ప్లేఆఫ్‌కి చేరలేదు. కానీ.. చెన్నై సూపర్ కింగ్స్ 2008 నుంచి ఆ రికార్డుని కొనసాగించింది. ఇప్పుడు ఏదో ఒక సీజన్‌లో ఫెయిలైనంత మాత్రానా అన్నీ మార్చేస్తారనుకోవడం పొరపాటు’’ అని కాశీ విశ్వనాథన్ స్పష్టం చేశారు.

చెన్నై సూపర్ కింగ్స్‌ తర్వాత మ్యాచ్‌ని దుబాయ్ వేదికగా కోల్‌కతా నైట్‌రైడర్స్‌తో గురువారం ఆడనుండగా.. నవంబరు 1న కింగ్స్ ఎలెవన్ పంజాబ్‌తో అబుదాబి వేదికగా ఆఖరి మ్యాచ్‌లో తలపడనుంది. ఇదే ఈ ఏడాదికి చెన్నై ఆడే చివరి మ్యాచ్. ఈ రెండింటిలో గెలిచి కనీసం పాయింట్ల పట్టికలో పైకి ఎగబాకాలని చెన్నై ఆశిస్తోంది.



Source link

Leave a Reply

Your email address will not be published. Required fields are marked *