ms dhoni: క్రికెట్ లేదా కొండల్లోకి.. లాక్‌డౌన్ తర్వాత ధోనీ ప్లాన్స్‌పై క్లారిటీ – mahendra singh dhoni’s wife sakshi reveals post-lockdown vacation plans with her husband


దేశంలో లాక్‌డౌన్‌ని ఎత్తివేసిన తర్వాత భారత మాజీ కెప్టెన్ మహేంద్రసింగ్ సింగ్ తన ప్లాన్స్‌పై పక్కా క్లారిటీతో ఉన్నట్లు అతని భార్య సాక్షి వెల్లడించింది. చెన్నై సూపర్ కింగ్స్ ఫ్రాంఛైజీతో తాజాగా ఇన్‌స్టాగ్రామ్ లైవ్ సెషన్‌లో మాట్లాడిన సాక్షి.. ధోనీకి మంచు అంటే మహా ఇష్టమని చెప్పుకొచ్చింది. ఒకవేళ లాక్‌డౌన్ తర్వాత క్రికెట్‌ లేకుంటే తాము ఉత్తరాఖండ్‌‌లోని మంచు కొండల్లో విహరించాలని ప్లాన్ చేసుకున్నట్లు సాక్షి వెల్లడించింది.

Read More:

2019 వన్డే ప్రపంచకప్‌లో ఆఖరిగా మ్యాచ్‌లు ఆడిన ధోనీ.. ఆ తర్వాత టీమిండియా తరఫునే కాకుండా దేశవాళీ టోర్నీల్లో కూడా కనీసం ఒక్క మ్యాచ్ ఆడింది లేదు. దాంతో.. ఇప్పటికే బీసీసీఐ సెంట్రల్ కాంట్రాక్ట్‌ని ఈ మాజీ కెప్టెన్ కోల్పోయాడు. అయితే.. ఐపీఎల్ 2020 సీజన్‌లో ఆడటం ద్వారా మళ్లీ భారత్ జట్టులోకి రీఎంట్రీ ఇవ్వాలని ధోనీ ఆశించాడు. కానీ.. కరోనా వైరస్ కారణంగా ఈ టోర్నీని బీసీసీఐ నిరవధికంగా వాయిదావేయగా.. అక్టోబరులో జరగాల్సిన టీ20 వరల్డ్‌కప్ స్థానంలో ఐపీఎల్ జరిగే సూచనలు కనిపిస్తున్నాయి. దాంతో.. అప్పటి వరకూ ధోనీ క్రికెట్‌కి దూరంగా ఉండే అవకాశం ఉంది.

Read More:
‘‘లాక్‌డౌన్ తర్వాత క్రికెట్‌ ఉంటే ధోనీ మ్యాచ్‌లు ఆడతాడు. ఒకవేళ క్రికెట్ లేకపోతే.. నేను మహీ కలిసి మంచు కొండల్లో విహరించాలని ప్లాన్ చేసుకున్నాం. ధోనీకి మంచు అంటే చాలా ఇష్టం. అందుకే ఉత్తరాఖండ్‌లోని ఓ చిన్న పల్లెటూరులో బస చేసి.. అక్కడ మంచు కొండల్లో కొన్ని రోజులు ఎంజాయ్ చేయాలని నిర్ణయించుకున్నాం. ఆ ట్రిప్‌కి విమానంలో కాకుండా రోడ్డు మార్గం ద్వారా వెళ్తాం. మహీకి డ్రైవింగ్ అంటే ఇష్టం. ఇప్పటికీ రాంచీ స్టేడియానికి ప్రాక్టీస్ కోసం మహీ సెల్ఫ్ డ్రైవింగ్‌లోనే వెళ్తాడు’’ అని సాక్షి వెల్లడించింది.



Source link

Leave a Reply

Your email address will not be published. Required fields are marked *