ms dhoni: ధోనీకి ఇంట్రస్ట్ లేదు.. వదిలేయండి: హర్భజన్ – harbhajan singh believes ms dhoni doesn’t want to play for india again


భారత మాజీ కెప్టెన్ మహేంద్రసింగ్ ధోనీకి మళ్లీ టీమిండియాకి ఆడాలని లేదని వెటరన్ ఆఫ్ స్పిన్నర్ హర్భజన్ సింగ్ అభిప్రాయపడ్డాడు. 2019 వన్డే ప్రపంచకప్‌లో ఆఖరిగా టీమిండియా తరఫున మ్యాచ్‌లు ఆడిన ధోని.. ఆ తర్వాత 8 నెలలుగా క్రికెట్‌కి దూరంగా ఉంటున్నాడు. ఈ క్రమంలో టీమిండియా క్రికెటర్లకి బీసీసీఐ ఏటా ఇచ్చే సెంట్రల్ కాంట్రాక్ట్‌ని కూడా చేజార్చుకున్న ఈ మాజీ కెప్టెన్.. ఐపీఎల్ 2020 సీజన్‌లో ఫామ్ నిరూపించుకుని మళ్లీ భారత్ జట్టులోకి రీఎంట్రీ ఇవ్వాలని యోచించాడు. కానీ.. కరోనా వైరస్ కారణంగా ఐపీఎల్ నిరవధికంగా వాయిదాపడటంతో ధోనీ అంతర్జాతీయ కెరీర్ ఇప్పుడు ప్రశ్నార్థకంలో పడిపోయింది.

Read More: ధోనీ కాదు.. అనిల్ కుంబ్లే బెస్ట్ కెప్టెన్: గంభీర్

ఆస్ట్రేలియా వేదికగా ఈ ఏడాది అక్టోబరులో టీ20 వరల్డ్‌కప్ జరగనుండగా.. ఈ టోర్నీలో ధోనీ ఆడాలని చాలా మంది భారత మాజీ క్రికెటర్లు, అతని అభిమానులు కోరుకుంటున్నారు. కానీ.. స్వతహాగా ధోనీకే మళ్లీ టీమిండియా తరఫున ఆడాలనే ఇంట్రస్ట్ లేదని చెన్నై సూపర్ కింగ్స్ టీమ్‌లోని అతని సహచరుడు హర్భజన్ సింగ్ తాజాగా చెప్పుకొచ్చాడు. కరోనా కారణంగా టీ20 వరల్డ్‌కప్‌ని కూడా వాయిదా వేసే దిశగా ఐసీసీ అడుగులు వేస్తోన్న విషయం తెలిసిందే.

Read More: క్రిస్‌గేల్ విధ్వంసానికి ధోనీ భయపడిన వేళ..!

‘‘మహేంద్రసింగ్ ధోనీ ఐపీఎల్‌లో ఆడాలని 100 శాతం కృతనిశ్చయంతో ఉన్నాడు. కానీ.. ఇక్కడ అందరికీ తెలియాల్సింది ఏంటంటే..? భారత్ జట్టుకి మళ్లీ ఆడాలని ధోనీ ఆశిస్తున్నాడా..? లేదా..?. నా అంచనా ప్రకారం.. టీమిండియాకి ఆడాలనే ఇంట్రస్ట్ ప్రస్తుతం అతనికి లేదు. ఎందుకంటే దేశం తరఫున అతను ఇప్పటికే చాలా ఏళ్లు మ్యాచ్‌లు ఆడాడు. ఆఖరిగా మళ్లీ టీమిండియా జెర్సీ ధరించాలని అతనికి లేదు. 2019 వన్డే ప్రపంచకప్‌లోనే చివరి అంతర్జాతీయ మ్యాచ్‌ని ఆడేశానని అతను భావిస్తున్నాడు. ఈ విషయాన్ని చాలా మంది నాకు చెప్పారు’’ అని హర్భజన్ సింగ్ వెల్లడించాడు.



Source link

Leave a Reply

Your email address will not be published. Required fields are marked *