ms dhoni: ధోనీని ఆ విషయం నేను అడగను.. అది పూర్తిగా పర్సనల్: రైనా – it is his personal decision: suresh raina on ms dhoni retirement


టీమిండియా మాజీ కెప్టెన్ మహేంద్రసింగ్ ధోనీకి వెటరన్ బ్యాట్స్‌మెన్ సురేశ్ రైనా చాలా క్లోజ్. ఎంతలా అంటే..? ధోనీకి తన కూతురు జీవా పుట్టిన విషయాన్ని అతని భార్య సాక్షి.. సురేశ్ రైనా ద్వారానే అతనికి తెలియజేసింది. 2015 వన్డే ప్రపంచకప్‌లో భాగంగా వెస్టిండీస్‌తో మ్యాచ్‌కి సిద్ధమయ్యే క్రమంలో ధోనీ తన వెంట ఫోన్‌ని తీసుకెళ్లలేదు. దాంతో.. రైనాకి ఫోన్ చేసిన సాక్షి.. గుడ్‌న్యూస్‌ని ధోనీకి చెప్పాలని కోరిందట. అంతలా ధోనీతో పాటు అతని ఫ్యామిలీకి కూడా రైనా క్లోజ్. కానీ.. ధోనీ రిటైర్మెంట్‌ గురించి మాత్రం తనకి ఏమీ తెలియదని రైనా తాజాగా చెప్పుకొచ్చాడు.

భారత మాజీ ఓపెనర్ ఆకాశ్ చోప్రాతో ఇంటర్వ్యూలో రైనా మాట్లాడుతుండగా.. ‘‘ధోనీ రిటైర్మెంట్ ప్రణాళికల గురించి నీకు ఏమైనా ఐడియా ఉందా..?’’ అని చోప్రా ప్రశ్నించాడు. దాంతో.. రైనా మాట్లాడుతూ ‘‘రిటైర్మెంట్ అనేది ధోనీ వ్యక్తిగత నిర్ణయం. ఆ విషయాల్ని నేను అడగలేను. అయినా.. ధోనీ ఇప్పటికీ మెరుగ్గా బ్యాటింగ్ చేస్తున్నాడు. కొత్త తరహా షాట్స్ కూడా ఆడుతున్నాడు. అతని బుర్రలో ఏ ఆలోచన ఉందో ఎవరికి తెలుసు..?’’ అని చెప్పుకొచ్చాడు.

టీమిండియా కెప్టెన్‌గా ధోనీ ఉన్న రోజుల్లో సురేశ్ రైనాకి టీమ్‌లో స్థానానికి ఢోకా ఉండేది కాదు. కానీ.. విరాట్ కోహ్లీ కెప్టెన్‌గా మారిన తర్వాత క్రమంగా జట్టుకి దూరమైన రైనా.. ఇప్పుడు రీఎంట్రీ కోసం గత ఏడాదన్నరకాలంగా ఎదురుచూస్తున్నాడు. అయితే.. ఐపీఎల్‌లో మాత్రం చెన్నై సూపర్ కింగ్స్‌ జట్టులో సుదీర్ఘకాలంగా ధోనీతో కలిసే రైనా మ్యాచ్‌లు ఆడుతున్నాడు.



Source link

Leave a Reply

Your email address will not be published. Required fields are marked *