ms dhoni: ధోనీపై ఎందుకంత తొంద‌ర‌.. త‌ను నెం.1 వికెట్‌కీప‌ర్‌: కైఫ్‌ – india former player mohammad kaif says ms dhoni shouldn’t be sidelined in a hurry


మాజీ కెప్టెన్ ఎంఎస్ ధోనీని టీమిండియా నుంచి ప‌క్క‌న పెట్ట‌డానికి త్వ‌ర‌ప‌డాల్సిన అవ‌స‌రం లేద‌ని మాజీ ప్లేయ‌ర్ మ‌హ్మ‌ద్ కైఫ్ అభిప్రాయ‌ప‌డ్డాడు. ఇప్ప‌టికీ ధోనీ నెం.1 వికెట్‌కీప‌ర్ అని, అత‌ని ఫిట్‌నెస్ అమోఘ‌మ‌ని వ్యాఖ్యానించాడు. ఆరేళ్ల కింద‌ట టెస్టు క్రికెట్‌కు రిటైర్మెంట్ ప్ర‌క‌టించిన ధోనీ.. గ‌తేడాది వ‌న్డే ప్ర‌పంచ‌క‌ప్ సెమీస్ ముగిశాక టీమిండియాకు దూరంగా ఉంటున్నాడు. అయితే ధోనీని టీమిండియా సెలెక్ష‌న్ నుంచి త‌ప్పించాల్సిన అవ‌స‌రం లేద‌ని పేర్కొన్నాడు. మ‌రోవైపు వైట్‌బాల్ క్రికెట్‌లో కేఎల్ రాహుల్‌ను రెగ్యుల‌ర్ వికెట్ కీప‌ర్‌గా భావించ‌కూడ‌ద‌ని అభిప్రాయ‌ప‌డ్డాడు.


భారత జ‌ట్టులో రెగ్యుల‌ర్ వికెట్ కీప‌ర్ ఉండాల‌ని, అత‌ను గాయ‌ప‌డితే అత‌ని స్థానంలో రాహుల్‌ను కీప‌ర్‌గా ఆడించాల‌ని కైఫ్ సూచించాడు. ఇక ఇప్ప‌టివ‌ర‌కు ధోనీకి ప్ర‌త్యామ్నాయం దొర‌క‌లేదని గుర్తు చేశాడు. దిగ్గ‌జాలు స‌చిన్ టెండూల్క‌ర్‌, రాహుల్ ద్ర‌విడ్‌ల‌కు ప్ర‌త్యామ్నాయంగా విరాట్ కోహ్లీ, రోహిత్ శ‌ర్మ‌, అజింక్య ర‌హానే, చ‌టేశ్వ‌ర్ పుజారా లభించార‌ని గుర్తు చేశాడు. అయితే ధోనీ వార‌సుడు మాత్రం దొర‌క‌లేద‌ని తెలిపాడు.


రిష‌భ్ పంత్, సంజూ శాంస‌న్‌ల‌ను ధోనీ స్థానంలో ఆడించినా అంత‌గా ఆక‌ట్టుకోలేక‌పోయార‌ని కైఫ్ వ్యాఖ్యానించాడు. ఈక్రమంలో ధోనీ సేవలు కొంత‌కాలం వాడుకోవాల్సిన అవ‌స‌ర‌ముందని తెలిపాడు. మ‌రోవైపు ఈ ఏడాది ఐపీఎల్లో స‌త్తాచాటి టీమిండియాలోకి‌ రీ ఎంట్రీ ఇవ్వాల‌ని ధోనీ భావించాడు. అయితే క‌రోనా వైర‌స్ విస్త‌ర‌ణ కారణంగా ఈ టోర్నీ నిరవ‌ధికంగా వాయిదా ప‌డింది.



Source link

Leave a Reply

Your email address will not be published. Required fields are marked *