ms dhoni: ధోనీ ఈరోజు నో ఛాన్స్.. స్టంపింగ్‌పై బంగ్లా క్రికెటర్ హేళన – how bangladesh’s batsman sabbir rahman replied to ms dhoni after avoiding getting stumped


వికెట్ల వెనుక నుంచి రెప్పపాటులో బెయిల్స్‌ని ఎగరగొట్టడంలో భారత మాజీ కెప్టెన్ మహేంద్రసింగ్ ధోనీ తర్వాతే ఎవరైనా..! బ్యాట్స్‌మెన్ పాదాల కదలికల్ని నిశితంగా పరిశీలించే ధోనీ స్టంపౌట్‌లో తప్పిదాలకి పాల్పడటం చాలా అరుదు. కానీ.. 2019 వన్డే ప్రపంచకప్‌‌లో బంగ్లాదేశ్ బ్యాట్స్‌మెన్ షబ్బీర్ రెహ్మాన్‌ని స్టంపౌట్ చేయడంలో ఈ భారత సీనియర్ వికెట్ కీపర్ కాస్త తడబడ్డాడు. దాంతో.. ‘‘ఈరోజు నీకు ఆ ఛాన్స్ లేదు ధోనీ’’ అని తాను చెప్పినట్లు షబ్బీర్ తాజాగా ఓ ఇంటర్వ్యూలో వెల్లడించాడు.

Read More: అవును.. హర్భజన్‌ని కొట్టేందుకు అతని రూముకి వెళ్లా: అక్తర్

‘‘2016 టీ20 వరల్డ్‌కప్‌లో ధోనీ నన్ను స్టంపౌట్ చేశాడు. ఆ తర్వాత 2019 వన్డే ప్రపంచకప్‌లోనూ ధోనీకి ఆ ఛాన్స్ లభించింది. కానీ.. ఆ మ్యాచ్‌లో నేను తెలివిగా మళ్లీ క్రీజులోకి రాగలిగాను. దాంతో.. ధోనీ వైపు చూసి ‘ఈరోజు కాదు’ అని చెప్పా’’ అని షబ్బీర్ వెల్లడించాడు. కానీ.. ఆ మ్యాచ్‌‌లో బుమ్రా బౌలింగ్‌లో షబ్బీర్ 36 పరుగుల వద్ద ఔటవగా.. బంగ్లాదేశ్‌ని 28 పరుగుల తేడాతో టీమిండియా ఓడించేసింది.

Read More: సచిన్ 100 సెంచరీల రికార్డ్‌ కోహ్లీకి కష్టమే.. కానీ: పీటర్సన్

2004లో అంతర్జాతీయ క్రికెట్‌లోకి అరంగేట్రం చేసిన మహేంద్రసింగ్ ధోనీ.. ఇప్పటి వరకూ 90 టెస్టులు, 350 వన్డేలు, 98 టీ20 మ్యాచ్‌లు ఆడాడు. ఈ క్రమంలో మొత్తం 195 స్టంపౌట్స్ చేశాడు. ఇందులో సగానికి పైగా రెప్పపాటు వేగంతో చేసినవే.



Source link

Leave a Reply

Your email address will not be published. Required fields are marked *