ms dhoni: ధోనీ ఎవరి అంచనాలకి అందడంతే..!: మాజీ వికెట్ కీపర్ – ipl 2020 postpone: ms dhoni’s comeback difficult but you never know says ajay ratra


టీమిండియా మాజీ కెప్టెన్ మహేంద్రసింగ్ ధోనీ ఆలోచనలు ఎవరి అంచనాలకి అందవని భారత మాజీ వికెట్ కీపర్ అజయ్ రాత్రా అభిప్రాయపడ్డాడు. ధోనీ అంతర్జాతీయ క్రికెట్‌లోకి అరంగేట్రం చేయకముందు.. 2002లో భారత్ తరఫున ఆరు టెస్టులు, 12 వన్డేలని అజయ్ ఆడాడు. ఇక 2019 వన్డే ప్రపంచకప్‌లో ఆఖరిగా టీమిండియా తరఫున మ్యాచ్‌లాడిన ధోనీ.. ఐపీఎల్ 2020 సీజన్‌లో ఫామ్ చాటుకోవడం ద్వారా మళ్లీ టీమ్‌లోకి రీఎంట్రీ ఇవ్వాలని ఆశించాడు. కానీ.. కరోనా వైరస్ కారణంగా ఐపీఎల్ 2020 సీజన్ నిరవధికంగా వాయిదాపడటంతో అతని కెరీర్ ప్రశ్నార్థకంగా మారిపోయింది.

Read More: IND vs SA టెస్టు, వన్డే మ్యాచ్‌ ఫిక్సింగ్.. ఢిల్లీ పోలీస్ ఛార్జ్‌షీట్

టీమిండియాలోకి ధోనీ రీఎంట్రీపై అజయ్ మాట్లాడుతూ ‘‘ధోనీ ఎవరి అంచనాలకి అందడు. నిజమే.. అతను క్రికెట్ మ్యాచ్‌లాడి చాలా రోజులైంది. కాబట్టి.. ఐపీఎల్ 2020 సీజన్‌లో రాణించడం ద్వారా భారత్ జట్టులోకి పునరాగమనం చేయాలని ఆశించాడు. మరోవైపు టీమిండియా మేనేజ్‌మెంట్ కూడా ధోనీతో పాటు మిగిలిన భారత వికెట్ కీపర్ల ప్రదర్శనని కూడా నిశితంగా పరిశీలించాలని భావించింది. కానీ.. బ్యాడ్‌లక్.. ఐపీఎల్ వాయిదాతో ధోనీ రీఎంట్రీ సందిగ్ధదంలో పడిపోయింది. కానీ.. ధోనీ ఆలోచనలు ఎవరి అంచనాలకి అందవు’’ అని వెల్లడించాడు.

Read More: నెహ్రా, సెహ్వాగ్, వీవీఎస్‌, యువీ ఫోన్లలో బిజీ.. పాత ఫొటోపై యువీ సెటైర్

ఆస్ట్రేలియా వేదికగా ఈ ఏడాది అక్టోబరు – నవంబరులో టీ20 వరల్డ్‌కప్ జరగాల్సి ఉండగా.. కరోనా వైరస్ కారణంగా ఆ టోర్నీని అంతర్జాతీయ క్రికెట్ కౌన్సిల్ (ఐసీసీ) వాయిదావేసే సూచనలు కనిపిస్తున్నాయి. అదే జరిగితే..? ఆ అక్టోబరు – నవంబరు విండోలో ఐపీఎల్‌ 2020 సీజన్‌ని నిర్వహించాలని భారత క్రికెట్ నియంత్రణ మండలి (బీసీసీఐ) భావిస్తోంది. ఈనెల 28న టీ20 వరల్డ్‌కప్ నిర్వహణపై ఐసీసీ తుది నిర్ణయం తీసుకోనుంది.



Source link

Leave a Reply

Your email address will not be published. Required fields are marked *