ms dhoni : ధోనీ ఫేవరెట్ ప్లేయర్ ఎవరో చెప్పిన యువీ – suresh raina was dhoni’s favourite when he was captain


భారత మాజీ కెప్టెన్ మహేంద్రసింగ్ ధోనీ తన ఫేవరెట్ ప్లేయర్‌కి అప్పట్లో వరుస అవకాశాలిచ్చేవాడని మాజీ ఆల్‌రౌండర్ యువరాజ్ సింగ్ ఆరోపించాడు. కెప్టెన్‌గా ధోనీ అలా ఒకరికి మద్దతు ఇవ్వడంతో టీమిండియా సెలక్టర్లకి అప్పట్లో పెద్ద తలనొప్పిగా మారిందని చెప్పుకొచ్చిన యువరాజ్ సింగ్.. కెప్టెన్‌గా సౌరవ్ గంగూలీ తరహాలో తనకి ఎప్పుడూ ధోనీ సపోర్ట్ ఇవ్వలేదని చెప్పుకొచ్చాడు. ధోనీ కెప్టెన్సీలోనే 2007 టీ20 వరల్డ్‌కప్‌, 2011 వన్డే ప్రపంచకప్‌లో ఆడిన యువరాజ్ సింగ్.. గత ఏడాది వన్డే ప్రపంచకప్ జరుగుతున్న సమయంలో అంతర్జాతీయ క్రికెట్ నుంచి రిటైర్మెంట్ ప్రకటించిన విషయం తెలిసిందే.


Read More:
ఐపీఎల్ బెస్ట్ కెప్టెన్‌‌లుగా ధోనీ, రోహిత్ ఎంపిక

‘‘ప్రతి కెప్టెన్‌కీ టీమ్‌లో ఒక ఫేవరెట్ ప్లేయర్‌ ఉంటాడు. నాకు తెలిసినంత వరకూ మహేంద్రసింగ్ ధోనీకి సురేశ్ రైనా అంటే చాలా ఇష్టం. ధోనీ కెప్టెన్‌గా ఉన్న రోజుల్లో రైనాకి టీమిండియా మేనేజ్‌మెంట్ నుంచి పూర్తి మద్దతు లభించేది. ఎందుకంటే.. ధోనీ సపోర్ట్ అతనికి పుష్కలంగా ఉండేది. వాస్తవానికి 2011 వన్డే ప్రపంచకప్ సమయంలో సురేశ్ రైనా ఏం అంత చెప్పుకోదగిన ఫామ్‌లో లేడు. బౌలింగ్‌ పరంగానూ అతని ప్రదర్శన మెరుగ్గా లేదు. దీంతో.. అప్పటి సెలక్టర్లకి టీమ్ ఎంపిక పెద్ద తలనొప్పిగా మారింది’’ అని యువరాజ్ వెల్లడించాడు. 2011 వన్డే ప్రపంచకప్‌లో ఏడో స్థానంలో బ్యాటింగ్ చేసిన రైనా.. గెలిపించే ఇన్నింగ్స్ ఒక్కటి కూడా ఆడలేకపోయాడు.

Read More:
ధోనీ ఫస్ట్ వికెట్ నేనే.. కానీ నాటౌట్: పీటర్సన్

దశాబ్దకాలం పాటు టీమిండియా కెప్టెన్‌గా ఉన్న మహేంద్రసింగ్ ధోనీ.. సురేశ్ రైనా, రవీంద్ర జడేజాలకి వరుసగా టీమ్‌లో అవకాశాలిచ్చేవాడనే ఆరోపణలు అప్పట్లో వినిపించాయి. ఈ ఇద్దరూ ఫామ్‌ కోల్పోయినా.. ఎన్ని విమర్శలు వచ్చినా ధోనీ మాత్రం వారికి మద్దతుగా నిలిచాడు. ఐపీఎల్‌లో చెన్నై సూపర్ కింగ్స్‌కి ఈ ముగ్గురూ సుదీర్ఘకాలంగా కలిసి ఆడుతున్న విషయం తెలిసిందే. అంతేకాకుండా ధోనీకి వాటా ఉన్న కొన్ని సంస్థల్లో రైనా, జడేజా పెట్టుబడులు కూడా పెట్టారని అప్పట్లో వార్తలు వచ్చాయి.





Source link

Leave a Reply

Your email address will not be published. Required fields are marked *