ms dhoni: ధోనీ లేకపోతే కోహ్లీ DRS రివ్యూలన్నీ అంతే సంగతులు: వసీం జాఫర్ – if ms dhoni left out, we see many drs reviews turn out to be wrong: wasim jaffer


టీమిండియా మాజీ కెప్టెన్ మహేంద్రసింగ్ ధోనీ లేకపోతే కెప్టెన్ విరాట్ కోహ్లీ డీఆర్‌ఎస్ రివ్యూలను కోరడంలో సక్సెస్ కాలేడని మాజీ ఓపెనర్ వసీమ్ జాఫర్ అభిప్రాయపడ్డాడు. 2019 వన్డే ప్రపంచకప్‌ తర్వాత క్రికెట్‌కి దూరంగా ఉంటున్న ధోనీ.. ఐపీఎల్ 2020 సీజన్‌తో మళ్లీ అభిమానుల ముందుకు రావాలని ఆశించాడు. కానీ.. కరోనా వైరస్ కారణంగా ఈ టోర్నీ నిరవధికంగా వాయిదాపడగా.. ధోనీ కెరీర్ ప్రశ్నార్థకంలో పడిపోయింది. ఇక గత ఏడాది నుంచి ధోనీ రిటైర్మెంట్‌పై రూమర్స్ వినిపిస్తుండగా.. అతను మాత్రం పెదవి విప్పడం లేదు.

ధోనీ రిటైర్మెంట్ రూమర్స్‌ గురించి వసీమ్ జాఫర్ మాట్లాడుతూ ‘‘ధోనీ గురించి అందరూ అంచనాలు వేయడం సహజం. అతను ఐపీఎల్ 2020 సీజన్‌లో ఆడేందుకు సిద్ధమయ్యాడు. ఆ మేరకు చెన్నై సూపర్ కింగ్స్ నెట్స్‌లో అతను ఏ తరహాలో ప్రాక్టీస్ చేశాడో..? కూడా మనం అందరం చూశాం. బహుశా ఐపీఎల్ ముగిసిన తర్వాత ధోనీ కెరీర్‌పై ఓ క్లారిటీ వస్తుందనుకుంటున్నా. టీ20ల్లో ఇప్పటికీ ధోనీ బెస్ట్ క్రికెటర్. అంతేకాకుండా.. కెప్టెన్‌ విరాట్ కోహ్లీకి మైదానంలో చాలా విషయాల్లో అతను సాయం చేస్తున్నాడు. ఒకవేళ ధోనీ టీమ్‌లో లేకపోతే చాలా డీఆర్‌ఎస్ రివ్యూలు ఫెయిలవుతాయి. ఇందులో ఎలాంటి సందేహం లేదు’’ అని జాఫర్ వెల్లడించాడు.

కచ్చితమైన డిసిషెన్ రివ్యూ సిస్టమ్ (డీఆర్‌ఎస్) రివ్యూలు కోరడంలో ధోనీ తర్వాత ఎవరైనా..! అందుకే అభిమానులు ముద్దుగా డీఆర్‌ఎస్‌ని ధోనీ రివ్యూ సిస్టమ్ అని పిలుస్తుంటారు. 2014లో టెస్టులకి ధోనీ రిటైర్మెంట్ ప్రకటించగా.. కోహ్లీ చేతికి టెస్టు టీమ్ పగ్గాలు వచ్చాయి. ఆ తర్వాత 2017లో వన్డే, టీ20 కెప్టెన్సీ బాధ్యతల నుంచి ధోనీ తప్పుకోగా.. కోహ్లీ పూర్తి స్థాయి కెప్టెన్‌గా మారాడు. కానీ.. ఇప్పటికీ ధోనీ మైదానంలో ఉంటే.. అతడ్ని సంప్రదించకుండా రివ్యూ కోరే సాహసం కోహ్లీ చేయడు.



Source link

Leave a Reply

Your email address will not be published. Required fields are marked *