ms dhoni: ఫైనల్లో ధోనీ ఔట్‌కి సచిన్ టెండూల్కర్ ప్లాన్: మాజీ స్పిన్నర్ జకాతి – ipl 2010 final: sadab jakati recalls how ms dhoni outfoxed sachin tendulkar


కెప్టెన్‌గా ప్రత్యర్థి టీమ్ ఆటగాళ్లపై వ్యూహాల్ని రచించడంలో మహేంద్రసింగ్ ధోనీ తర్వాతే ఎవరైనా..? మ్యాచ్ ఏ స్థితిలో ఉన్నా.. క్రీజులో ఎంతటి అగ్రశ్రేణి బ్యాట్స్‌మెన్ ఉన్నా.. ధోనీ ప్లాన్‌లు సక్సెస్‌ అవుతూ ఉంటాయి. సరిగ్గా పదేళ్ల క్రితం ధోనీ వ్యూహానికి దిగ్గజ క్రికెటర్ సచిన్ టెండూల్కర్ కూడా దొరికిపోయాడట. ఈ విషయాన్ని తాజాగా భారత మాజీ స్పిన్నర్ షదాబ్ జకాతి వెల్లడించాడు.

Read More: క్రికెట్‌లో కొత్త రూల్స్.. మాస్క్‌ ధరించి బౌలింగ్ కష్టమే..!: అగార్కర్

2010 ఐపీఎల్ సీజన్‌ ఫైనల్లో చెన్నై సూపర్ కింగ్స్, ముంబయి ఇండియన్స్ జట్లు ఢీకొన్నాయి. ఆ మ్యాచ్‌లో ఫస్ట్ బ్యాటింగ్ చేసిన చెన్నై టీమ్ సురేశ్ రైనా (57 నాటౌట్: 35 బంతుల్లో 3×4, 3×6) హాఫ్ సెంచరీ బాదడంతో 5 వికెట్ల నష్టానికి 168 పరుగులు చేసింది. దాంతో.. హిట్టర్లతో బలంగా కనిపించిన ముంబయి టీమ్ ఆ లక్ష్యాన్ని అలవోకగా ఛేదించేస్తుందని అంతా ఊహించారు. దానికితోడు ముంబయి టీమ్ అప్పటి కెప్టెన్ సచిన్ సూపర్ ఫామ్‌లో కనిపించాడు. కానీ.. ధోనీ ఓ వ్యూహం ప్రకారం సచిన్‌ని బోల్తా కొట్టించేశాడని చెన్నై ఎడమచేతి వాటం స్పిన్నర్ షదాబ్ జకాతి వెల్లడించాడు.

Read More: అక్తర్ బౌన్సర్‌కి సచిన్ కళ్లు మూసుకునేశాడు.. నేనే సాక్షి: ఆసిఫ్

‘‘ఆ ఫైనల్ మ్యాచ్‌లో నేను వేసిన ఫస్ట్ రెండు ఓవర్లలోనే 21 పరుగులిచ్చేశాను. దాంతో మూడో ఓవర్ బౌలింగ్ చేసే ముందు.. కెప్టెన్ ధోనీ నన్ను ఆపి.. ఎడమచేతి వాటం బ్యాట్స్‌మెన్ అభిషేక్ నాయర్ బ్యాటింగ్ చేస్తుండటంతో.. మిడిల్ ఓవర్లలో బౌలింగ్ చేద్దువులే అని చెప్పాడు. అప్పట్లో ధోనీ వ్యూహం నాకు అర్థంకాలేదు. కానీ.. సచిన్ టెండూల్కర్ వికెట్ పడగొట్టిన తర్వాత తెలిసొచ్చింది. ముంబయి టీమ్‌లోని కుడిచేతి వాటం మిడిలార్డర్ బ్యాట్స్‌మెన్‌లు సచిన్ టెండూల్కర్, అంబటి రాయుడు, కీరన్ పొలార్డ్‌ల కోసం ఆ మ్యాచ్‌లో ధోనీ నన్ను పక్కనపెట్టాడు. ఆ ముగ్గురూ అప్పట్లో ఎడమచేతివాటం స్పిన్నర్లని ఎదుర్కోవడంలో బలహీనంగా కనిపించారు. మొత్తానికి ధోనీ వ్యూహం ఫలించింది’’ అని షదాబ్ జకాతి వెల్లడించాడు.

ఛేదనలో ఐదో స్థానంలో బ్యాటింగ్‌కి వచ్చిన సచిన్ టెండూల్కర్ (48: 45 బంతుల్లో 7×4) దూకుడు పెంచుతున్న దశలో జకాతిని బౌలింగ్‌కి దింపిన ధోనీ.. అతడ్ని బోల్తా కొట్టించేశాడు. దాంతో.. ఒత్తిడికి గురైన ముంబయి టీమ్ ఆఖరికి 146/9కే పరిమితమవగా.. 22 పరుగుల తేడాతో గెలిచిన చెన్నై సూపర్ కింగ్స్ తొలిసారి ఐపీఎల్ టైటిల్‌ని ముద్దాడింది. మొత్తంగా.. ఇప్పటి వరకూ మూడు సార్లు ఐపీఎల్ టైటిల్‌ని చెన్నై గెలిచిన విషయం తెలిసిందే.



Source link

Leave a Reply

Your email address will not be published. Required fields are marked *