MS dhoni career : ధోని కెరీర్ ఇక ముగిసినట్లే: హర్షా భోగ్లే – commentator harsha bhogle says about ms dhoni career


క‌రోనా వైరస్ కారణంగా ఇండియన్ ప్రీమియర్ లీగ్ వాయిదా పడటంతో జాతీయ జట్టులోకి తిరిగి రావాలనే ధోని ఆశలు ఆవిరయ్యాయని ప్ర‌ముఖ కామెంటేట‌ర్ హ‌ర్షా భోగ్లే వ్యాఖ్యానించాడు. గత ఏడాది జరిగిన వన్డే ప్రపంచకప్‌లో ధోనీ చివరిసారిగా ఇండియాకు ఆడాడు.

Subani Shaik |
Samayam Telugu | Updated:

Mahendra Singh Dhoni

భారత మాజీ కెప్టెన్ ఎంఎస్ ధోని కెరీర్ ముగిసినట్టేనని ప్రముఖ కామెంటేటర్ హ‌ర్షా భోగ్లే వ్యాఖ్యానించాడు. క‌రోనా వైరస్ కారణంగా ఇండియన్ ప్రీమియర్ లీగ్ ఈనెల 29 నుంచి వచ్చే నెల 15కు వాయిదా పడిన సంగతి తెలిసిందే. ఈ టోర్నీ ఒకవేళ జరిగి ఉంటే, అందులో తన ఫామ్ నిరూపించుకోవాలని ధోని భావించాడు. తద్వారా జాతీయ జట్టులోకి ఎంపికయ్యి, వచ్చే అక్టోబర్లో ఆస్ట్రేలియాలో జరిగే టీ20 ప్రపంచ కప్‌లో ఆడాలని అనుకున్నాడు. అయితే వైరస్ అతని ఆశలపై నీళ్లు చిమ్మింది. వైరస్ కారణంగా టోర్నీ వాయిదా పడటంతోపాటు, ఎప్పుడు జరుగుతుందో స్పష్టంగా చెప్పలేని పరిస్థితి నెలకొంది. ఈ నేపథ్యంలో ధోని కెరీర్ ముగిసినట్లేనని హర్ష వ్యాఖ్యానించాడు.


Read Also: క‌రోనా వైరస్‌పై బ్రావో సాంగ్.. నెటిజన్ల ఫిదా


ఇండియాకు జాతీయ‌జ‌ట్టు దారులు ధోనికి మూసుకుపోయాయ‌ని, తనకు అనిపిస్తుందని భోగ్లే తెలిపాడు. టీ20 ప్రపంచ కప్ కోసం ధోనీని జట్టులోకి తీసుకోవాలని టీమ్ మేనేజ్మెంట్‌ భావిస్తున్నట్లు తనకు అనిపించడం లేదని అన్నాడు. ఒకవేళ ఐపీఎల్ జరిగి ఉంటే పరిస్థితి వేరుగా ఉండేదని, ప్రస్తుత పరిస్థితుల్లో ధోనీ కెరీర్ అయిపోయిన‌ట్లేనని పేర్కొన్నాడు. కాగా గతేడాది వన్డే ప్రపంచకప్ ముగిశాక‌ ధోనీ జాతీయ జట్టు దూరంగా ఉంటున్నాడు. కొంతకాలం సైన్యంలో పనిచేసిన ధోనీ అనంతరం ప్రైవేటు కార్యక్రమాలకే పరిమితం అయ్యాడు. ఐపీఎల్లో సత్తా చాటితే, తనను తిరిగి జాతీయ జట్టులోకి ఎంపిక చేస్తామని టీమ్ మేనేజ్మెంట్ అప్పట్లో పేర్కొన్న సంగతి తెలిసిందే.

Read Also: దక్షిణాఫ్రికాకు kolpak దెబ్బ.. మరో క్రికెటర్ రిటైర్మెంట్


అయితే కరోనా వైరస్ కారణంగా క్రికెట్ కార్యకలాపాలు ఎప్పుడు ప్రారంభ‌మ‌వుతాయో, స్పష్టంగా చెప్పలేని పరిస్థితి నెలకొంది. మరోవైపు ఎలాంటి మ్యాచ్ ప్రాక్టీస్ లేని ధోనీని, తిరిగి జట్టులోకి తీసుకోకూడదని మాజీలు స్పష్టంగా అభిప్రాయపడ్డారు. ఈ నేపథ్యంలో టీమిండియా దారులు ధోనీకి మూసుకు పోయినట్లే అని విశ్లేషకులు భావిస్తున్నారు. 2004లో అరంగ్రేటం చేసిన ధోని పదహారేళ్ళపాటు కెరీర్‌ను నడిపించాడు. 2007 నుంచి 2016 వరకు జాతీయ జట్టుకు కెప్టెన్‌గా వ్యవహరించాడు

 

Telugu News App ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title commentator harsha bhogle says about ms dhoni career

(Telugu News from Samayam Telugu , TIL Network)





Source link

Leave a Reply

Your email address will not be published. Required fields are marked *