ms dhoni ipl 2008 price: IPL: ధోనీ విషయంలో ధైర్యం చేయలేకపోయిన RCB – when rcb rejected to pick ms dhoni for a strange reason


మహేంద్రసింగ్ ధోనీ‌ని దక్కించుకునే అవకాశం దొరికితే ఐపీఎల్‌లో ఏ ఫ్రాంఛైజీ అయినా వదులుకుంటుందా..? కానీ.. రాయల్ ఛాలెంజర్స్ బెంగళూరు (ఆర్సీబీ) ఫస్ట్ సీజన్‌లోనే ఆ ఛాన్స్‌ని మిస్ చేసుకుంది. 2008 ఐపీఎల్ ఆరంభ సీజన్‌ కోసం జరిగిన ఆటగాళ్ల వేలంలో ధోనీ కోసం చెన్నై సూపర్ కింగ్స్‌తో ఫస్ట్ పోటీపడిన ఆర్సీబీ మధ్యలో వెనక్కి తగ్గింది. అప్పటికే 2007 టీ20 వరల్డ్‌కప్‌లో భారత్‌ని విజేతగా నిలిపిన ధోనీ.. సూపర్ స్టార్‌గా ఎదిగిపోయాడు. కానీ.. ఆర్సీబీ అతని కోసం వేలంలో పెద్ద మొత్తంలో డబ్బు వెచ్చించే సాహసం చేయలేకపోయింది.

Read More: ఐపీఎల్ 2020 విజేత మళ్లీ ఆ జట్టే.. CSKకి షాకిచ్చిన శ్రీశాంత్

2008 ఐపీఎల్ సీజన్ ఆటగాళ్ల వేలంలో మహేంద్రసింగ్ ధోనీని రూ. 9.5 కోట్లకి చెన్నై సూపర్ కింగ్స్ కొనుగోలు చేయగా.. ఇప్పటికే ఆ జట్టుని మూడు సార్లు టైటిల్ విజేతగా ధోనీ నిలిపాడు. మరోవైపు రాయల్ ఛాలెంజర్స్ బెంగళూరు టీమ్ ఇప్పటి వరకూ కనీసం ఒక్కసారి కూడా టైటిల్ గెలవలేకపోయింది. ఇంకా చెప్పాలంటే.. 2017, 2018, 2019 సీజన్లలో ఆ జట్టు కనీసం ప్లేఆఫ్‌కి కూడా అర్హత సాధించలేదు. కరోనా వైరస్ కారణంగా మార్చి 29 నుంచి ప్రారంభంకావాల్సిన ఐపీఎల్ 2020 సీజన్ నిరవధికంగా వాయిదాపడిన విషయం తెలిసిందే.

Read More: బౌలర్‌కి హెల్ప్ చేసేందుకు ధోనీ నిరాకరణ.. కారణం చెప్పిన భజ్జీ

ధోనీని అప్పట్లో వేలంలో వదులుకోవడంపై ఆర్సీబీ సీఈవో చారు శర్మ మాట్లాడుతూ ‘‘ధోనీని రూ. 9.5 కోట్లతో చెన్నై సూపర్ కింగ్స్ కొనుగోలు చేసింది. కానీ.. ఒకవేళ అతను ఫెయిలై ఉంటే..? వచ్చే విమర్శల్ని ఓసారి ఊహించుకోండి. వేలం ఆరంభంలోనే ధోనీ భారీగా ధర పలకబోతున్నాడని మాకు అర్థమైంది. కానీ.. కేవలం ఒక్క క్రికెటర్‌ మీదే అంత ధర వెచ్చించడానికి అప్పట్లో భయపడ్డాం. దానికి కారణం.. క్రికెట్‌ అనేది వన్‌ మ్యాన్ షో కాదు.. టీమ్ గేమ్. ఒకవేళ ధోనీ ఓ రెండు మ్యాచ్‌ల్లో డకౌటై ఉండింటే.. చెన్నై సూపర్ కింగ్స్‌ ఫ్రాంఛైజీ కూడా అభిమానులు ఆ ధరకి ధోనీ అర్హుడేనా..? అని వ్యంగ్యంగా అడిగేవారు’’ అని చారు శర్మ వెల్లడించాడు.



Source link

Leave a Reply

Your email address will not be published. Required fields are marked *