MS Dhoni Re entry: ధోనీ రీఎంట్రీపై సీఎస్‌కే కోచ్ హ‌స్సీ ఆస‌క్తిక‌ర వ్యాఖ్య‌లు – ipl 2020: chennai super kings coach mike hussey speaks about ms dhoni re entry


భారత మాజీ కెప్టెన్ ఎంఎస్ ధోనీ రీఎంట్రీ, రిటైర్మెంట్‌పై చాలాకాలంగా ఊహాగానాలు చెల‌రేగుతున్నాయి. అయితే దీనిపై కెప్టెన్ కూల్ ఏమాత్రం స్పందించ‌కుండా త‌న ప‌ని తాను చేసుకుపోతున్నాడు. తాజాగా ధోనీ రీఎంట్రీపై చెన్నై సూప‌ర్ కింగ్స్ (సీఎస్‌కే) కోచ్ మైక్ హ‌స్సీ స్పందించాడు. ధోనీలో ఇంకా అంతర్జాతీయ క్రికెట్ మిగిలే ఉంద‌ని, ఒక‌వేళ త‌ను టీమిండియాలోకి రావాల‌నుకుంటే, సెలెక్ట‌ర్లు ధోనీని ఎంపిక చేయాల‌ని అభిప్రాయ‌ప‌డ్డాడు. ధోనీ చాలా అంకిత‌భావమున్న క్రికెట‌ర్ అని హ‌స్సీ కొనియాడాడు.


ఒక టోర్నమెంట్‌కు మాన‌సికంగా, శారీర‌కంగా ఎలా సిద్ధ‌మ‌వ్వాలో ధోనీకి బాగా తెలుస‌ని హ‌స్సీ గుర్తు చేశాడు. ఐపీఎల్ ప్రారంభానికి ముందు తను చాలా తీవ్రంగా శ్ర‌మించాడ‌ని పేర్కొన్నాడు. ఒకవేళ అంత‌ర్జాతీయ క్రికెట్‌లోకి రీఎంట్రీ ఇస్తే, మునుప‌టి ఫామ్‌ను అందుకోగలడని ఆశాభావం వ్య‌క్తం చేశాడు.


మ‌రోవైపు గ‌త వ‌న్డే ప్ర‌పంచ‌క‌ప్ ముగిశాక అంత‌ర్జాతీయ క్రికెట్‌కు దూరంగా ఉంటున్న ధోనీ.. కొంత‌కాలం సైన్యంలో ప‌నిచేశాడు. అనంత‌రం ప్రైవేట్ కార్య‌క్ర‌మాలకే ప‌రిమిత‌మ‌య్యాడు. ఇక‌, ఐపీఎల్ 2020 కోసం ధోనీ గ‌తనెల‌లో సాధ‌న చేశాడు. అయితే క‌రోనా వైర‌స్ కార‌ణంగా టోర్నీ నిర‌వ‌ధికంగా ప‌డ‌టంతో ధోనీతోపాటు క్రికెట‌ర్లు అంద‌రూ ఇంటికే ప‌రిమిత‌మ‌య్యారు.



Source link

Leave a Reply

Your email address will not be published. Required fields are marked *