MS Dhoni retirement: ధోనీపై రూమర్స్‌ ఎక్కడ నుంచి వస్తున్నాయో..?: సాక్షి – sakshi dhoni once again addressed retirement rumours surrounding ms dhoni


భారత మాజీ కెప్టెన్ మహేంద్రసింగ్ ధోనీ రిటైర్మెంట్‌పై రూమర్స్‌ ఎక్కడ నుంచి వస్తున్నాయో తనకి తెలియడం లేదని అతని భార్య సాక్షి ఆవేదన వ్యక్తం చేసింది. 2019 వన్డే ప్రపంచకప్‌లో చివరిగా మ్యాచ్‌లాడిన ధోనీ.. ఆ తర్వాత రిటైర్మెంట్ ప్రకటించేస్తాడని అంతా ఊహించారు. కానీ.. వీడ్కోలుపై మౌనంగా ఉండిపోయిన ధోనీ.. టీమిండియా తరఫున మళ్లీ ఆడింది లేదు. దాంతో.. భారత క్రికెట్ నియంత్రణ మండలి (బీసీసీఐ) కూడా సెంట్రల్ కాంట్రాక్ట్ నుంచి ధోనీ పేరుని తప్పించింది. అయితే.. ఐపీఎల్ 2020 సీజన్‌లో రాణించడం ద్వారా మళ్లీ టీమిండియాలోకి రీఎంట్రీ ఇవ్వాలని అతను ఆశించాడు. కానీ.. కరోనా వైరస్ కారణంగా ఐపీఎల్ నిరవధికంగా వాయిదాపడిన విషయం తెలిసిందే. దాంతో.. ధోనీ రీఎంట్రీ అవకాశాలు సన్నగిల్లాయి.

వన్డే ప్రపంచకప్ తర్వాత ధోనీ రిటైర్మెంట్ గురించి పెద్ద ఎత్తున వార్తలురాగా.. సోషల్ మీడియాలో అతను వీడ్కోలు చెప్పినట్లు #DhoniRetire అనే కీవర్డ్ ట్రెండ్ అయ్యింది. దాంతో.. అప్పట్లో సాక్షి అవన్నీ రూమర్స్ అని కొట్టిపారేసింది. కానీ.. గత వారం అనూహ్యంగా మళ్లీ అదే కీవర్డ్ ట్రెండ్‌గా మారింది. దాంతో.. ఈసారి సహనం కోల్పోయిన సాక్షి.. లాక్‌డౌన్ వేళ జనాలకి పిచ్చి పట్టిందంటూ గట్టిగా కౌంటరిచ్చింది. కానీ.. నిమిషాల వ్యవధిలోనే ఆ ట్వీట్‌ని ఆమె డిలీట్ చేసింది.

ధోనీ రిటైర్మెంట్‌ రూమర్స్‌పై తాజాగా చెన్నై సూపర్ కింగ్స్ ఫ్రాంఛైజీతో ఇన్‌స్టాగ్రామ్ లైవ్ సెషన్‌లో సాక్షి మాట్లాడింది. ‘‘మహేంద్రసింగ్ ధోనీ ఈ లాక్‌డౌన్ వేళ సోషల్ మీడియాకి దూరంగా ఉన్నాడు. కానీ.. అతని రిటైర్మెంట్‌పై రూమర్స్ ఎక్కడ నుంచి వస్తున్నాయో..? నాకు అర్థం కావడం లేదు’’ అని వెల్లడించింది.



Source link

Leave a Reply

Your email address will not be published. Required fields are marked *