MS Dhoni retirement: మెంటల్ వచ్చిందా..? ధోనీ రిటైర్మెంట్‌ రూమర్స్‌పై సాక్షి ఫైర్ – sakshi breaks silence on ms dhoni retirement rumours


భారత మాజీ కెప్టెన్ మహేంద్రసింగ్ ధోనీ రిటైర్మెంట్ అంశం మరోసారి తెరపైకి వచ్చింది. 2019 వన్డే ప్రపంచకప్‌లో ఆఖరిగా అంతర్జాతీయ మ్యాచ్ ఆడిన ధోనీ.. ఆ తర్వాత క్రికెట్‌కి పూర్తిగా దూరమైపోయాడు. వాస్తవానికి వన్డే ప్రపంచకప్‌తోనే అతను రిటైర్మెంట్ ప్రకటించేస్తాడని అంతా ఊహించారు. కానీ.. ఆ టోర్నీ తర్వాత మౌనంగా ఉండిపోయిన ధోనీ.. రిటైర్మెంట్‌పై ఎన్ని వార్తలు వచ్చినా ఈ 10 నెలల్లో ఒక్కసారి కూడా పెదవి విప్పలేదు. అయితే.. అతని భార్య సాక్షి మాత్రం అప్పుడప్పుడు ఆ రూమర్స్‌పై మండిపడుతోంది. కానీ.. అవి మాత్రం ఆగడం లేదు.

Read More: బిషప్ దశాబ్దాపు వన్డే జట్టు కెప్టెన్‌గా ధోనీ.. మరో ఇద్దరికీ ఛాన్స్

ధోనీ రిటైర్మెంట్ ప్రకటించినట్లు తాజాగా సోషల్ మీడియాలో #DhoniRetires కీవర్డ్ ట్రెండ్‌ అయ్యింది. దాంతో.. సహనం కోల్పోయిన సాక్షి అది కేవలం రూమర్ మాత్రమే అని ఖండిస్తూ ఈ లాక్‌డౌన్ ప్రజల్ని మెంటల్ వాళ్లని చేసిందని ఘాటుగా స్పందించింది. అయితే.. నిమిషాల వ్యవధిలోనే ఆ ట్వీట్‌ని సాక్షి డిలీట్ చేసింది. కానీ.. అప్పటికే ఆమెపై పెద్ద ఎత్తున అభిమానులు విమర్శలు గుప్పించారు.

Read More:

ఐపీఎల్ 2020 సీజన్‌లో ఫామ్ నిరూపించుకోవడం ద్వారా మళ్లీ టీమిండియాలోకి రీఎంట్రీ ఇవ్వాలని ధోనీ ఆశించాడు. ఈ మేరకు మార్చి నెల తొలి వారంలో చెపాక్ స్టేడియంలో ధోనీ ప్రాక్టీస్ కూడా చేశాడు. కానీ.. కరోనా వైరస్ కారణంగా మార్చి 29 నుంచి ప్రారంభంకావాల్సిన ఐపీఎల్ 2020 సీజన్ నిరవధికంగా వాయిదాపడింది. అయితే.. అక్టోబరులో జరగాల్సిన టీ20 వరల్డ్‌కప్ వాయిదాపడే సూచనలు కనిపిస్తుండటంతో.. ఆ విండోలో ఐపీఎల్ జరిగే అవకాశం ఉంది.



Source link

Leave a Reply

Your email address will not be published. Required fields are marked *