Mukesh Ambani: కరోనా ఎఫెక్ట్.. ముకేశ్ అంబానీ సంచలన నిర్ణయం! – reliance industries announces pay cuts, mukesh ambani to forgo entire salary


ప్రధానాంశాలు:

  • అంబానీకి కరోనా కష్టాలు
  • కంపెనీకి తీవ్ర నష్టాలు
  • దీంతో శాలరీల్లో కోత

అపర కుబేరుడు.. ఆసియాలోనే అత్యంత ధనవండుతు.. రిలయన్స్ ఇండస్ట్రీస్ చైర్మన్.. ముకేశ్ అంబానీకి కూడా కష్టాలొచ్చాయి. కరోనా వైరస్ దెబ్బకి జీతంలో కోతకు సిద్ధమయ్యారు. కోవిడ్ 19 వల్ల నష్టాలు సంభవించడంతో రిలయన్స్ ఇండస్ట్రీస్ ఉద్యోగుల వేతనాల్లో కోతకు రెడీ అయ్యింది. ఇందుకు ముకేశ్ అంబానీ కూడా మినహాయిపేమీ కాదు.

ఎగ్జిక్యూటివ్ డైరెక్టర్లు, ఇతర సీనియర్ లీడర్లు సహా కంపెనీ బోర్డు డైరెక్టర్లు అందరికీ శాలరీలో కోత ఉంటుంది. వీరికి 30 నుంచి 50 శాతం వరకు కోత తప్పదు. ముకేశ్ అంబానీ అయితే మొత్తం వేతనాన్ని వదులుకోనున్నారు. రిలయన్స్ ఇండస్ట్రీస్‌లోనే హైడ్రోకార్బన్ బిజినెస్‌లోని ఉద్యోగుల్లో రూ.15 లక్షలకు పైగా వేతనం అందుకుంటున్న వారికి స్థిర వేతనంలో 10 శాతం కోత ఉంటుంది. అదే రూ.15 లక్షలలోపు వేతనం ఉంటే ఎలాంటి కోత ఉండదు.

Also Read: భారీగా తగ్గిన బంగారం ధర.. హైదరాబాద్‌లో రేట్లు ఇలా!

హైడ్రోకార్బన్ బిజినెస్‌పై తీవ్ర ప్రతికూల ప్రభావం పడింది. రిఫైన్డ్ ప్రొడక్ట్స్, పెట్రో కెమికల్స్‌కు డిమాండ్ పడిపోవడం ఇందుకు ప్రధాన కారణం. దీంతో నిర్వహణ ఖర్చుల తగ్గింపుపై దృష్టి కేంద్రీకరించాం. అందుకే ఇలాంటి నిర్ణయం తీసుకోవాల్సి వచ్చింది’ అని కంపెనీ ఎగ్జిక్యూటివ్ డైరెక్టర్ హిటల్ ఆర్ మేశ్వనీ తెలిపారు. తమ చైర్మన్ వేతనాన్ని వదులుకోవడానికి అంగీకరించారని పేర్కొన్నారు.

కాగా మరోవైపు రిలయన్స్ ఇండస్ట్రీస్ ఈరోజు క్యూ4 త్రైమాసిక ఫలితాలను వెల్లడించనుంది. ఈ నేపథ్యంలోనే కంపెనీ షేరు కూడా దాదాపు 4 శాతం పరుగులు పెట్టింది. మరోవైపు రిలయన్స్ ఇండస్ట్రీస్ ఇటీవలనే ఫేస్‌బుక్‌తో కూడా జతకట్టిన విషయం తెలిసిందే. ఈ డీల్ విలువ రూ.43 వేల కోట్లకు పైమాటే. ఇంకా వాట్సాప్ కూడా జియోమార్ట్‌తో వ్యూహాత్మక భాగస్వామ్యం కుదుర్చుకుంది.



Source link

Leave a Reply

Your email address will not be published. Required fields are marked *