Multani mitti benefits: ముల్తానీ మట్టితో అద్భుతమైన ప్రయోజనాలు, ఇది ఎక్కడ లభిస్తుందంటే.. – benefits of multani mitti for face and hair


ముల్తానీ మట్టి.. అందం కోసం పరితపించేవారికి దీని గురించి ప్రత్యేకంగా పరిచయం అక్కర్లేదు. చర్మానికి మేలు చేసే ఈ మట్టి లేనిదే బ్యూటీ ప్రొడక్ట్సే లేవు. ఎలాంటి రసాయనాలు లేని ఈ స్వచ్ఛమైన మట్టిలో ఉండే సహజ ఖనిజాలే.. చర్మానికి రక్షణ కలిగిస్తాయి. కాసుల వర్షం కురిపిస్తున్న ఈ మట్టి ఎక్కడ లభిస్తుందో తెలుసా?

ఇలాంటి మట్టి ప్రపంచంలో చాలా ప్రాంతాల్లో లభిస్తుంది. అయితే, పాకిస్థాన్‌లోని ముల్తాన్‌లో ఉండే మట్టి మాత్రమే మేలైనదని భావిస్తున్నారు. అందుకే, ఎక్కువ మంది ముల్తాన్‌లో లభించే మట్టిని సేకరించేందుకు ఎక్కువ శ్రద్ధ చూపుతున్నారు. అందుకే ఈ మట్టిని ‘ముల్తానీ మిట్టీ లేదా ముల్తానీ మట్టి’ అని పిలుస్తారు.

ముల్తానీ మట్టిలో మెగ్నీషియం, క్వార్ట్జ్, సిలికా, ఇనుము, కాల్షియం, కాల్సైట్, డోలమైట్ వంటి ఖనిజాలు పుష్కలంగా ఉన్నాయి. ఈ మట్టి ఎక్కువగా ఫౌడర్ రూపంలోనే లభిస్తుంది. తెలుగు, నీలం, ఆకుపచ్చ, గోదుమ రంగుల్లో ఎక్కువగా లభిస్తుంది. చర్మం, జుట్టు సంబంధిత సమస్యలతో బాధపడేవారికి ముల్తానీ మట్టి ఒక వరం. మరి, ఈ మట్టి వల్ల ఎన్ని రకాల ప్రయోజనాలు ఉన్నాయో చూసేద్దామా!

జిడ్డును గ్రహిస్తుంది: సాధారణంగా మట్టికి పీల్చే గుణం ఎక్కువ. అందుకే, ముల్తానీ మట్టిని ముఖానికి రాయగానే ముందుగానే చర్మాన్ని జిడ్డులా మార్చే నూనెలను పీల్చేస్తుంది. చర్మ రంథ్రాల్లో క్లాగ్ లేకుండా చూస్తుంది. చర్మం పీహెచ్ (pH) స్థాయిలను సమతుల్యం చేస్తుంది. అందుకే, ఎక్కువ మంది దీన్ని ఫేస్‌ప్యాక్‌గా వినియోగిస్తారు. చర్మంపై మచ్చలను తొలగించేందుకు ఇది మంచి ఔషదం.

Also Read: ఈమె పాదాలకు భలే గిరాకీ.. లక్షల్లో సంపాదన, ఆ కోరికలే పెట్టుబడి!

మొటిమలు మటుమాయం: మొటిమలను తొలగించడంలో ముల్తానీ మట్టి బాగా ఉపయోగపడుతుంది. చర్మంపై జిడ్డుగారే నూనెల వల్ల మొటిమలు ఏర్పడతాయనే సంగతి తెలిసిందే. ముల్తానీ మట్టిని ముఖానికి రాసినట్లయితే జిడ్డు మాయమవుతుంది. అలాగే, మొటిమల వల్ల ముఖంపై ఏర్పడు గుంటలను కూడా తొలగిస్తుంది. చర్మాన్ని మృదువుగా ఉంచుతుంది.

చర్మానికి మంచి రంగు ఇస్తుంది: మీ మేను మెరవాలంటే.. ముల్తానీ మట్టిని రాయాల్సిందే. దీన్ని మీ చర్మానికి పూసుకోవడం ద్వారా రంగు మారుతుంది. డార్క్ స్కిన్‌తో బాధపడేవారికి ఇది ఉపయోగపడుతుంది. మరీ తెల్లగా మార్చుకున్నా.. చర్మాన్ని కాంతివంతంగా కనిపించేందుకు సహకరిస్తుంది. చర్మంపై ఉండే మృత కణాలను తొలగిస్తుంది.

Also Read: మంగు మచ్చల సమస్య? ఈ ఐదు చిట్కాలతో అందంగా మారిపోండి!

చుండ్రు నుంచి ఉపశమనం: చుండ్రు సమస్యతో బాధపడుతున్నట్లయితే ముల్తానీ మట్టిని ట్రై చేయండి. చుండ్రుకు కారణమయ్యే గ్రీజు, దూళిని ఈ మట్టి గ్రహిస్తుంది. తల చర్మంలోని రక్త ప్రసరణ మెరుగుపరుస్తుంది. 20 నిమిషాల తర్వాత మట్టిని షాంపూతో శుభ్రం చేయాలి. ఆ తర్వాత కండీషనర్ రాసుకోవాలి. దీనివల్ల జుట్టు చిట్లకుండా ఆరోగ్యకరంగా ఉంటుంది.



Source link

Leave a Reply

Your email address will not be published. Required fields are marked *