Mumbai Indians captain: ఐపీఎల్ కెప్టెన్సీ రేసులో కార్తీక్‌కి షాకిచ్చిన రోహిత్ శర్మ – rohit sharma reveals how he got mumbai indians’ captaincy


ఐపీఎల్‌లో రోహిత్ శర్మ కెప్టెన్సీలోని ముంబయి ఇండియన్స్ టీమ్ ఇప్పటి వరకూ నాలుగు సార్లు టైటిల్ విజేతగా నిలిచింది. కానీ.. రోహిత్ శర్మ కంటే ముందు ఐదేళ్లలో ముంబయి ఇండియన్స్ టీమ్‌కి ఐదుగురు కెప్టెన్లు మారారంటే మీరు నమ్ముతారా..? 2008లో ఐపీఎల్ ప్రారంభమవగా.. తొలుత సచిన్ టెండూల్కర్.. ఆ తర్వాత హర్భజన్ సింగ్, షాన్ పొలాక్, డ్వేన్ బ్రావో, రికీ పాంటింగ్ ఆ జట్టు కెప్టెన్లుగా పనిచేశారు. కానీ.. ఎవరూ క్లిక్ కాలేదు.

Read More: ఐపీఎల్‌లో అందుకే బ్రేక్ ఫాస్ట్ టేబుల్ వద్ద నేను కనబడను: రోహిత్

వాస్తవానికి రోహిత్ శర్మ కూడా ఐపీఎల్ ఆరంభ సీజన్ నుంచి ముంబయి ఇండియన్స్ టీమ్‌కి ఆడలేదు. 2010 ఐపీఎల్ సీజన్‌ వరకూ దక్కన్ ఛార్జర్స్ తరఫున ఆడిన రోహిత్ శర్మని 2011 ఐపీఎల్ సీజన్‌కి ముంబయి ఇండియన్స్ తీసుకుంది. ఆ తర్వాత 2013లో ఎవరూ ఊహించని రీతిలో రోహిత్ శర్మ చేతికి టీమ్ పగ్గాలు వచ్చాయి. ఆ ఏడాది పాంటింగ్ కెప్టెన్సీ బాధ్యతల నుంచి తప్పుకోగా.. రేసులో దినేశ్ కార్తీక్ పేరు ప్రధానంగా వినిపించింది. కానీ.. ఆఖరిగా రోహిత్ శర్మ చేతికి పగ్గాలు వచ్చాయి. అంచనాల్ని అందుకుంటూ ఆ ఏడాది టీమ్‌కి ఫస్ట్ టైటిల్ అందించిన రోహిత్ శర్మ ఆ తర్వాత 2015, 2017, 2019 సీజన్లలోనూ ముంబయిని విజేతగా నిలిపాడు.

Read More: యువరాజ్‌పై వేటు.. అది కెప్టెన్‌గా ధోనీ ఇష్టం: మహ్మద్ కైఫ్

సీనియర్ ఆఫ్ స్పిన్నర్ రవిచంద్రన్ అశ్విన్‌తో ఇన్‌స్టాగ్రామ్ లైవ్ సెషన్‌లో మాట్లాడిన రోహిత్ శర్మ అప్పట్లో తన చేతికి కెప్టెన్సీ రావడాన్ని ఓసారి గుర్తు చేసుకున్నాడు. ‘‘ముంబయి జట్టులోకి నేను వచ్చిన రోజే కెప్టెన్ అవుతానని ఊహించాను. కానీ.. 2013 ఐపీఎల్‌ సీజన్ వేలంలో పాంటింగ్‌ని జట్టులోకి తీసుకోవడంతో అతనితో కెప్టెన్సీ రేసులో పోటీపడలేనని నాకు అర్థమైంది. అయితే.. అనూహ్యంగా పాంటింగ్ టీమ్ పగ్గాలు వదిలేయగా.. దినేశ్ కార్తీక్ పేరు ప్రధానంగా వినిపించింది. కానీ.. ఆఖరిగా పాంటింగ్‌.. నువ్వు ముందుండి కెప్టెన్‌గా టీమ్‌ని నడిపించాలని సూచిస్తూ నా పేరుని ప్రతిపాదించాడు’’ అని రోహిత్ శర్మ వెల్లడించాడు.



Source link

Leave a Reply

Your email address will not be published. Required fields are marked *