mumbai indians captain rohit sharma: IPL: ఆ జ‌ట్టుతో పోటీకి ముందు గంట‌ల త‌ర‌బ‌డి ప్ర‌ణాళిక‌లు వేస్తాం: రోహిత్ శ‌ర్మ‌ – mumbai indians captain rohit sharma names franchise for whom their team plan for hours


ఇండియ‌న్ ప్రీమియ‌ర్ లీగ్‌లో అత్యంత విజ‌య‌వంతమైన జ‌ట్టు ముంబై ఇండియ‌న్స్ అన‌డంలో ఎలాంటి సందేహం లేదు. నాలుగుసార్లు విజేత‌గా నిలిచిన‌ ముంబై.. లీగ్ చ‌రిత్ర‌లోనే అత్య‌ధిక టైటిళ్లు సాధించిన టీమ్‌గా నిలిచింది. తాజాగా ఆ జ‌ట్టు కెప్టెన్ రోహిత్ శ‌ర్మ.. ఐపీఎల్ గురించి ఆస‌క్తిక‌ర విష‌యాలు తెలిపాడు. ముఖ్యంగా ఐపీఎల్లో రాయ‌ల్ చాలెంజర్స్ బెంగ‌ళూరు(ఆర్సీబీ)తో పోటీకి ముందు త‌మ టీమ్ మేనేజ్మెంట్ గంట‌ల త‌ర‌బ‌డి ప్ర‌ణాళిక‌లు వేస్తుంద‌ని తెలిపాడు. ఆర్సీబీ చాలా ప‌టిష్ట‌మైన జ‌ట్టని, ఇన్నేళ్ల లీగ్ చ‌రిత్రలో ఆ టీమ్ టైటిల్ గెల‌వ‌క పోవ‌డం దుర‌దృష్ట‌క‌రమేన‌ని హిట్ మ్యాన్ వ్యాఖ్యానించాడు.


తాజాగా సోష‌ల్ మీడియాలో స‌న్‌రైజ‌ర్స్ హైద‌రాబాద్ కెప్టెన్ డేవిడ్ వార్న‌ర్‌తో క‌లిసి రోహిత్ ప‌లు విష‌యాలపై చర్చించాడు. ఆర్సీబీ బ్యాటింగ్ లైన‌ప్ చాలా దుర్భేద్యంగా ఉంటుంద‌ని, ఈ ఏడాది ఆ టీమ్ మ‌రింత స‌మ‌తూకంతో నిండి ఉంద‌ని పేర్కొంది. ఈసారి సీజ‌న్‌లో ఆ టీమ్ మ‌రింత మెరుగైన ప్ర‌ద‌ర్శ‌న క‌న‌బ‌రుస్తుంద‌ని ఆశాభావం వ్య‌క్తం చేశాడు.


మ‌రోవైపు ఇటీవ‌లే చెన్నై సూప‌ర్ కింగ్స్ (సీఎస్కే) జ‌ట్టు సీనియ‌ర్ స్పిన్న‌ర్ హ‌ర్భ‌జ‌న్ సింగ్‌.. ముంబై-చెన్నై జ‌ట్ల మ‌ధ్య పోరు.. భార‌త్‌-పాకిస్థాన్ జ‌ట్ల స‌మ‌రంతో పోల్చిన సంగ‌తి తెలిసిందే. అయితే రోహిత్ మాత్రం ఆర్సీబీతో పోరుపై త‌మ టీమ్ మేనేజ్మెంట్ ఎక్కువ‌గా ఆలోచిస్తుంద‌ని చెప్పి అంద‌రినీ ఆశ్చ‌ర్యంలో ముంచెత్తాడు. ‌‌



Source link

Leave a Reply

Your email address will not be published. Required fields are marked *