Mumbai Indians Vs Chennai Super Kings: ఐపీఎల్లో ఆ రెండు జ‌ట్ల మ‌ధ్య స‌మ‌రం.. భార‌త్‌-పాక్ పోరులాంటిదే: హ‌ర్భ‌జ‌న్‌ – indian spinner harbhajan singh says that csk-mi rivalry is like an india-pakistan game


ఇండియన్ ప్రీమియ‌ర్ లీగ్ ప్రారంభ‌మైన‌ప్ప‌టి నుంచి ఆడుతున్న ఆట‌గాళ్ల‌లో భార‌త స్పిన్న‌ర్ హ‌ర్భ‌జ‌న్ సింగ్ ఒక‌రు. 2008 నుంచి 2017 వ‌ర‌కు త‌ను ముంబై ఇండియ‌న్స్ త‌ర‌పున ఆడాడు. ఆ త‌ర్వాత ముంబై త‌న‌ను రిలీజ్ చేయ‌గా.. 2018 నుంచి చెన్నై సూప‌ర్ కింగ్స్‌కు భ‌జ్జీ మారాడు. ఈ ఏడాదితో చెన్నైతో త‌న అనుబంధం దాదాపుగా ముగిసిపోనుంది. అయితే ఈ రెండు జ‌ట్ల మ‌ధ్య పోరు చిర‌కాల ప్ర‌త్య‌ర్థులు భార‌త్‌-పాకిస్థాన్‌ మ్యాచ్ స్థాయిలో ఉంటుంద‌ని పేర్కొన్నాడు. తను ఈ రెండు జట్ల త‌ర‌పున ఆడ‌టంతో ఈ పోరును ఆస్వాదించాన‌ని చెప్పుకొచ్చాడు.


నిజానికి చెన్నైకి త‌ను ఆడిన తొలి ఏడాది (2018)లో ఫస్ట్ మ్యాచ్‌ను ముంబై ఇండియన్స్‌తో తలపడ్డామ‌ని భ‌జ్జీ గుర్తు చేసుకున్నాడు. ఆ మ్యాచ్‌లో బ‌రిలోకి దిగ‌డం త‌న‌కు క‌లలా అన్పించింద‌ని పేర్కొన్నాడు. ఎన్నో ఏళ్లుగా ముంబైకి ఆడిన త‌ను, ఇలా చెన్నై త‌ర‌పున బ‌రిలోకి దిగ‌డం మ‌రిచిపోలేని అనుభూతి అని చెప్పుకొచ్చాడు.


మ‌రోవైపు ఐపీఎల్లో చెన్నై, ముంబై జ‌ట్లు అత్యంత ప‌టిష్ట‌మైన జ‌ట్లు. టోర్నీలో బ‌రిలోకి దిగిన అన్నిసార్లు ప్లే ఆఫ్స్‌కు చేరిన ఏకైక జ‌ట్టు చెన్నై కావ‌డం విశేషం. మ‌రోవైపు నాలుగు టైటిళ్ల‌తో టోర్నీలోనే ముంబై అత్యంత విజ‌య‌వంత‌మైన జ‌ట్టుగా రికార్డుల‌కెక్కింది. ఈ ఏడాది ఐపీఎల్ సీజ‌న్ మార్చి 29 నుంచి ప్రారంభం కావాల్సి ఉండ‌గా.. క‌రోనా వైర‌స్ కార‌ణంగా టోర్నీని నిర‌వ‌ధికంగా వాయిదా వేశారు.



Source link

Leave a Reply

Your email address will not be published. Required fields are marked *