mutton price in hyderabad: మటన్ ధర ఫిక్స్ చేసిన ప్రభుత్వం.. ఇక పెంచి అమ్మితే అంతే.. – govt fixes mutton price in telangana says official


లాక్ డౌన్ సమయంలో మాంసం వ్యాపారులు మటన్ ధరలను విచ్చలవిడిగా పెంచుతుండడం, కొన్ని చోట్ల కల్తీ మాంసాన్ని విక్రయిస్తున్న వేళ తెలంగాణ ప్రభుత్వం కొన్ని మార్గదర్శకాలను జారీ చేసింది. ఈ మేరకు మటన్ ధరను నిర్ణయించింది. ప్రభుత్వం నిర్ణయించిన ధర మేరకు కిలో మటన్‌ రూ.700కే అమ్మాలని సూచించింది. నిబంధనలు బేఖాతరు చేస్తూ అధిక ధరలకు విక్రయిస్తే కఠిన చర్యలు తీసుకుంటామని పశుసంవర్థక శాఖ ప్రత్యేక కమిటీ కన్వీనర్‌ డాక్టర్‌ భేరి బాబు హెచ్చరించారు.

మటన్ ధరను ప్రతి దుకాణం ముందు అందరికీ కనిపించేలా బోర్డులు ఏర్పాటు చేసి ప్రదర్శన చేయాలని సూచించారు. మాంసం ధరలు విచ్చలవిడిగా పెరుగుతున్న నేపథ్యంలో పశుసంవర్థక శాఖ మంత్రి తలసాని శ్రీనివాస్ ఆదేశాల మేరకు మాంసం ధరలను నియంత్రించేందుకు ఈ కమిటీని ఏర్పాటు చేశారు. కమిటీ సభ్యులు సోమవారం దిల్‌సుఖ్‌నగర్‌, చైతన్యపురి, బజార్‌ఘాట్‌ తదితర ప్రాంతాల్లో పర్యటించారు. సుమారు 11 మాంసం దుకాణాల్లో సోదాలు చేశారు.

ఈ క్రమంలో లైసెన్స్‌ లేని దుకాణాలపై కొరడా ఝుళిపించారు. ఆ ప్రాంతంలో నిబంధనలకు విరుద్ధంగా నిర్వహిస్తున్న ఐదు దుకాణాలను మూసి వేయించారు. షాపులకు వచ్చే వినియోగదారులు సామాజిక దూరం పాటించేలా దుకాణదారులే చొరవ తీసుకోవాలని, లేదంటే కఠిన చర్యలు తీసుకుంటామని అధికారులు హెచ్చరించారు. అంతేకాక, దుకాణాల చుట్టుపక్కల పరిశుభ్రత పాటించాలని నిర్దేశించారు.

రెండు రోజుల క్రితమే సికింద్రాబాద్‌లోని కొన్ని మటన్ షాపుల్లో గొడ్డు మాంసం కలిపి విక్రయిస్తున్నారన్న సమాచారం మేరకు జీహెచ్ఎంసీ, పశుసంవర్థక శాఖ ప్రత్యేక బృందాలు త‌నిఖీలు చేశాయి. లోపల సోదాలు చేసిన అధికారులు నకిలీ మాంసం అమ్ముతున్న దుకాణాలను సీజ్ చేశారు. లాక్ డౌన్ స‌మ‌యంలో మాంసాన్ని ఎక్కువ ధరలకు విక్రయించ‌డంతో పాటు, ధరల సూచీని కూడా ఏర్పాటు చేయాలని సూచించారు. నిబంధనలు పాటించని దుకాణాలపై కేసులు నమోదు చేసి, నోటీసులు జారీ చేశారు.



Source link

Leave a Reply

Your email address will not be published. Required fields are marked *