mutual funds: మ్యూచువల్ ఫండ్స్‌లో ఇన్వెస్ట్ చేసే వారికి భారీ షాక్.. ఈ 6 స్కీమ్స్ క్లోజ్! – franklin templeton mutual fund winds down 6 funds: what this means for investors


ప్రధానాంశాలు:

  • ఆరు స్కీమ్స్‌ను క్లోజ్ చేసిన ఫ్రాంక్లిన్ టెంపుల్టన్
  • దీంతో ఇన్వెస్టర్లలో ఆందోళన
  • కరోనా వైరస్ ఎఫెక్ట్ ప్రధాన కారణం

మ్యూచువల్ ఫండ్స్‌కు ఆదరణ పెరుగుతూ వస్తోంది. ప్రజల్లో అవగాహన రావడం, మ్యూచువల్ ఫండ్స్ ప్రచారం వంటిని ఇందుకు ప్రధాన కారణంగా చెప్పుకోవచ్చు. అయితే ఇప్పుడు మ్యూచువల్ ఫండ్స్‌లో ఇన్వెస్ట్ చేసేవారికి ఒక షాక్ తగిలిందని చెప్పుకోవచ్చు. ఎలా అంటారా? ప్రముఖ మ్యూచువల్ ఫండ్ సంస్థ ఫ్రాంక్లిన్ టెంపుల్టన్ ఏకంగా 6 మ్యూచువల్ ఫండ్ స్కీమ్స్‌ను క్లోజ్ చేస్తున్నట్లు ప్రకటించింది.

కరోనా వైరస్ కారణం ఆరు డెట్ ఫండ్స్ మూసివేస్తున్నట్లు ఫ్రాంక్లిన్ టెంపుల్టన్ ప్రకటించింది. బాండ్ మార్కెట్‌లో లిక్విడిటీ లేకపోవడం, రిడంప్షన్ల ఒత్తిడి వల్ల ఈ నిర్ణయం తీసుకున్నట్లు పేర్కొంది. అయితే తాజా నిర్ణయం వల్ల రానున్న రోజుల్లో ఇతర స్కీమ్స్‌పై, ఇతర సంస్థలపై కూడా ప్రభావం పడొచ్చని మార్కెట్ వర్గాలు పేర్కొంటున్నాయి.

Also Read: గోల్డ్ ఆఫర్లు: గ్రాము బంగారంపై రూ.400 డిస్కౌంట్!

ఫ్రాంక్లిన్ ఇండియా లో డ్యూరేషన్ ఫండ్, ఫ్రాంక్లిన్ ఇండియా డైనమిక్ అక్రూవల్ ఫండ్, ఫ్రాంక్లిన్ ఇండియా క్రెడిట్ రిస్క్ ఫండ్, ఫ్రాంక్లిన్ ఇండియా షార్ట్‌ టర్మ్ ఇన్‌కమ్ ప్లాన్, ఫ్రాంక్లిన్ ఇండియా అల్ట్రా‌ షార్ట్ బాండ్ ఫండ్, ఫ్రాంక్లిన్ ఇండియా ఇన్‌కమ్ అపార్చునిటీస్ ఫండ్ అనేవి కంపెనీ క్లోజ్ చేసిన ఆరు మ్యూచువల్ ఫండ్ స్కీమ్స్.

Also Read: షాకిస్తున్న బంగారం.. భారీగా పెరిగిన ధర.. వెండి పరుగు!

కాగా ఇప్పటికే ఈ ఫండ్స్‌లో ఇన్వెస్ట్ చేసిన వారి ఇప్పుడు ఆందోళన చెందుతున్నారు. ఇన్వెస్ట్ చేసిన డబ్బులు వెనక్కి వస్తాయా? రావా? అని చింతిస్తున్నారు. అయితే కంపెనీ మాత్రం ఇన్వెస్టర్లకు ఊరట కలిగే నిర్ణయాన్ని వెల్లడించింది. ఈ స్కీమ్స్ సెక్యూరిటీలను విక్రయించి ఇన్వెస్టర్లకు క్రమంగా చెల్లింపులు జరుపుతామని పేర్కొంది.

ఫ్రాంక్లిన్ టెంపుల్టన్ ఆరు డెట్ మ్యూచువల్ ఫండ్స్‌ను క్లోజ్ చేసిన నేపథ్యంలో ఈ పథకాల్లో ఇన్వెస్టర్లు మళ్లీ పెట్టుబడి పెట్టడానికి వీలుండదు. అలాగే ఇన్వెస్ట్ చేసిన డబ్బులను వెనక్కి విత్‌డ్రా కూడా చేసుకోవడం కుదరదు. అంటే ఫండ్ యూనిట్లను కొనడం, అమ్మడం జరగదు. అలాగే వీటిని ఈక్విటీ పథకాలకు బదిలీ చేయలేరు. ఇకపోతే ఈ అంశానికి సంబంధించి ఆర్‌బీఐ, కేంద్ర ప్రభుత్వం ఎలాంటి చర్యలు తీసుకుంటాయో చూడాలి.



Source link

Leave a Reply

Your email address will not be published. Required fields are marked *